“King Deved,” Ol Stori long OlTesteman (2022)
“King Deved,” Ol Stori long OlTesteman
1 Samuel 18–19; 31; 2 Samuel 1; 5; 11–12
King Deved
Ol hadwok blong wan king
King Sol, we i king blong Isrel, i glad tumas long Deved we i winim Golaeat. Sol i mekem Deved i kam lida ova long ol ami blong hem.
Deved i lavem Lod mo oltaem i wantem blong mekem wanem we i stret. Ol pipol blong Isrel oli lavem Deved.
Sol i stat blong jalus mo traem blong kilim Deved. Be Deved i folem Lod, mo Lod i protektem hem long Sol.
Ol laen blong Isrel oli faet long fulap wo. Wan dei, Sol mo ol boe blong hem oli ded long taem blong faet. Deved i lavem olgeta mo i harem nogud tumas blong save abaot ded blong olgeta. Naoia, Ol Man Isrel oli nidim wan niu king. Lod i jusum Deved blong i kam king. Ol pipol oli glad.
1 Samuel 31:2–6; 2 Samuel 1:11–12; 5:1–5
Lod i blesem King Deved mo i gaedem hem. Wetem help blong Lod, ami blong Deved i winim ol enemi blong olgeta.
Wan dei taem we Deved i sapos blong go faet, hem i stap long haos. Hem i luk wan naesfala woman. Nem blong hem Batseba, mo Deved i wantem blong maredem hem. Be woman ia i mared finis i go long Uria, wan soldia insaed long ami blong Deved.
Deved i wantem blong maredem Batseba, mekem se hem i sendem hasban blong Batseba i go long wan faet we i denja tumas blong mekem se bae oli kilimded Uria.
I no longtaem, Deved i lanem se Uria i ded long taem blong faet. Deved i sendem ol wokman blong hem blong karem Batseba i kam long haos blong hem, mo hem i maredem hem.
Be Lod i no hapi wetem wanem Deved i bin mekem. Lod i sendem Natan, wan profet, blong talem long Deved, hamas sin blong hem i series. Deved i harem nogud from wanem hem i bin mekem long Uria mo Batseba. Hem i prea mo livim kakae blong kasem fogivnes long Lod.