2 King 5

Elisa I Hilim Neman

Olsem wanem wan bigfala merikel i kam folem wan simpol fet

Longwe long Siria, i gat wan man i stap we nem blong hem, Neman. Hem i wan hae kapten long ami blong Siria. Be Neman i gat wan sik long skin we i soa, oli singaotem, leprosi.

2 King 5:1

Wokman blong waef blong Neman, hem i wan gel Isrel. Gel ia i gat strong bilif long Lod. Hem i talem se, sapos Neman i save go luk profet Elisa, bae Neman i kam oraet, mo sik bae i finis.

2 King 5:2–4

Neman i travel i go longwe blong faenem Elisa. Neman ting se bae hem i kam oraet tru long bigfala merikel.

2 King 5:5–8

Neman i go long hom blong Elisa, wetem ol wokman blong hem, wetem ol hos mo ol kat blong faet blong hem. Elisa i sendem wokman blong hem blong givim instraksen blong Lod i go long Neman. Lod bae i hilim Neman sapos bae hem i go swim long Jodan Reva seven taem.

2 King 5:9–10

Neman i kros from se hem i bin wantem blong profet blong Lod i kamaot, mo i hilim hem kwiktaem. Neman i komplen se Jodan Reva ia i no wan gud reva olsem ol bigfala reva we oli stap long Siria.

2 King 5:11–12

Be ol wokman blong Neman oli bin askem from wanem Neman bae i no mekem wan simpol wok nomo olsem. Mo tu, long tingting blong Neman, hem i no stret blong profet blong Lod i askem hem blong mekem hemia.

2 King 5:13

Neman i stop blong i gat hae tingting, mo i lisin long ol wokman blong hem. Hem i go swim long Jodan Reva seven taem. Afta, Lod i mekem sik blong Neman i finis, semmak olsem we Elisa i bin talem. Neman i bin save se Elisa i wan profet, mo Lod i ril i stap.

2 King 5:14–15