1 Samuel 17

Deved mo Golaeat

Stap fesem wan bigfala jalenj

Golaeat

Ol Man Filistia oli stap faet agensem Ol Man Isrel. Evri moning, wan bigfala man Filistia we nem blong hem Golaeat i stap jalenjem eni Man Isrel blong faet wetem hem. Golaeat i moa bigwan mo tolfala bitim evri nara man, mo hem i no fraet. Hem i werem ol hevi klos blong faet mo i karem wan naef blong faet, wan spia, wetem wan bigfala sil. I no gat wan man i wantem blong faet wetem hem.

1 Samuel 17:1–11

Ami blong Isrel i stap kakae

Deved i wan yangfala boe blong lukaot long sipsip mo hem i gat fet long Lod. Ol bigfala brata blong hem oli ol soldia insaed long ami blong Isrel. Wan dei, Deved i karem sam kaekae i go long ol brata blong hem. Taem hem i kasem ples we ami i stap kamp long hem, hem i harem abaot jalenj blong Golaeat.

1 Samuel 17:20–23

Deved i stap toktok long ol soldia

Deved i askem ol soldia from wanem i no gat wan i faet blong protektem Isrel. Ol brata blong hem oli kros long hem mo talem long hem blong go lukaot long ol sipsip. Be Deved i save se Lod bae i faet blong protektem Isrel.

1 Samuel 17:24–30

Deved i stap toktok long King Sol

King Sol i save long fet blong Deved, mekem se hem i askem blong luk Deved. Deved i talem long Sol se hem i no fraet blong faetem Golaeat. Deved i eksplenem se, wan taem, taem hem i stap lukaot long ol sipsip blong hem, hem i kilimded wan laeon mo wan bea. Lod i bin protektem hem long taem ia, mo Deved i save se Lod bae i protektem hem naoia.

1 Samuel 17:31–37

Deved i stap traem blong werem klos blong faet

Sol i givim klos blong faet blong hem long Deved. Be klos blong faet ia i no naf mekem se Deved i karemaot. Hem i disaed blong faet mo no werem klos blong faet.

1 Samuel 17:38–39

Deved i stap holem ol ston

Deved i pikimap faef smut ston mo putum olgeta insaed long wan basket. Hem i karem sling blong hem mo stik blong hem blong lukaot sipsip, mo i go blong fesem Golaeat.

1 Samuel 17:40

Deved i stap toktok long Golaeat

Taem Golaeat i luk Deved, hem i singaot mo i jikim hem. Hem i talem se hem i wan boe blong lukaot sipsip mo bae i no save winim hem. !Deved i singaot i gobak i talem se hem i trastem Lod blong i protektem hem! Deved i talem se bae hem i winim Golaeat blong soem olsem wanem Lod i bigwan.

1 Samuel 17:42–47

Deved i stap faet agensem Golaeat

Deved i ron go from Golaeat. Kwiktaem hem i sakem wan ston wetem sling blong hem. Ston i kilim Golaeat long fored blong hed blong hem, mo bigfala man ia i foldaon i go long graon. Lod i helpem Deved blong winim Golaeat nomata hem i no gat wan naef blong faet o klos blong faet.

1 Samuel 17:48–50

Deved mo bodi blong Golaeat

Taem Ol Man Filistia oli luk se Golaeat i ded, oli fraet mo ronwe. Ol Man Isrel oli winim faet ia. Deved i bin trastem Lod, mo Lod i bin protektem Isrel.

1 Samuel 17:51–53