Rut 1–4

Rut mo Nomi

Stap laef tru ol hadtaem wetem lav mo fasin blong stap tru

Nomi mo famli blong hem i muv i go long Moab from se i nogat inaf kaekae long graon blong Juda. Afta hasban blong Nomi i ded. Ol boe blong Nomi oli maredem ol woman Moab we nem blong olgeta Opa mo Rut. Oli lukaot long Nomi blong 10 yia.

Rut 1:1–4

Afta, hasban blong Opa mo Rut i ded. Naoia ol woman oli stap olgetawan. Nomi i no save stap givim kaekae blong Rut mo Opa.

Rut 1:5, 8–10

Opa i gobak long hom. Be Rut i wantem blong stap mo lukaot long Nomi. Rut mo Nomi i bin harem abaot graon blong Juda we i gat ol kaekae bakegen mekem se oli travel i go long we.

Rut 1:16–19

Rut mo Nomi oli kasem Juda long taem blong pikimap kaekae. Oli nidim kaekae. Wan famli blong Nomi nem blong hem Boas i gat ol garen long Juda. Hem i letem Rut blong karem ol haf kaekae we i stap long ol garen blong hem. Hem i hadwok.

Rut 1:22; 2:3

Boas i respektem Rut from hem i wokhad mo from hem i stap tru long Nomi mo Lod. Hem i talem long ol wokman blong lego moa kaekae i stap long ol garen blong Rut.

Rut 2:5–17

Nomi i wantem Rut blong gat wan famli. Hem i leftemap tingting blong Rut blong maredem Boas. Rut i save se sapos hem mo Boas i mared, bae tufala i save lukaot long Nomi tugeta.

Rut 3:1–2; 4:15

Rut i disaed blong askem Boas blong maredem hem. Boas i save se Rut i wan woman we i tru mo gat klin fasin. Hem i agri.

Rut 3:3–18; 4:13

Rut mo Boas tufala i mared. I no long taem, Rut i gat wan bebi boe. Hem i kam bubuman blong Deved, fiuja king. Plante yia afta, Jisas Kraes i bon i kam long famli laen ia.

Rut 4:13–17