“Profet Elisa,” Ol Stori long OlTesteman (2022)
“Profet Elisa,” Ol Stori long OlTesteman
2 King 2; 4
Profet Elisa
Ol Merikel blong Lod
Tru long profet Elaeja, Lod i bin rere long Elisa blong i kam nekis profet. Afta Lod i tekem Elaeja i go long heven.
Lod i helpem Elisa blong mekem fulap merikel. Wan taem, Elisa i bin blesem oel blong wan pua woman mo oel ia i fulumap plante glas botel. Afta woman ia i bin salem oel blong pemaot ol kaon blong hem.
Wan nara taem, wan fetful woman i wok blong Elisa mo hem i kaen fulap long hem. Elisa i askem long hem, wanem bae hem i save mekem blong wok blong hem. Hem i hop blong gat wan pikinini. Elisa i blesem hem mo hasban blong hem blong tufala i gat wan boe.
Be afta long sam yia, boe ia i sik mo i ded. Woman ia i go lukaotem Elisa from hem i gat fet se Elisa i save sevem boe blong hem. Elisa i kam mo blesem boe ia, mo hem i laef bakegen. Lod i bin helpem Elisa blong mekem fulap merikel. Hem i bin wan gudfala profet blong Lod.