“Profet Jeremaea,” Ol Stori long OlTesteman (2022)
“Profet Jeremaea,” Ol Stori long OlTesteman
Profet Jeremaea
God i singaotem hem bifo hem i bon i kam long wol
Jeremaea i bin stap laef long Jerusalem taem i yangfala. Wan dei, Lod i go long Jeremaea mo i singaotem hem i kam wan profet. Lod i talem long Jeremaea se Hem i bin jusum Jeremaea blong i stap wan profet, hemia bifo hem i bon i kam long wol ia. Lod i bin save se laef blong Jeremaea, bae i wan had laef. Be Hem i bin promesem Jeremaea se, oltaem, bambae Hem i stap wetem Jeremaea.
Ol pipol long Jerusalem oli no bin kipim ol promes we oli bin mekem wetem Lod. From nogud fasin blong olgeta, Jeremaea i bin givim woning long ol pipol se bambae i gat man bae i winim olgeta, i rul ova long olgeta. Lod i bin talem se, sapos oli kipim Sabat dei i tabu, bae siti blong Jerusalem bae i no save lus samtaem. Be ol pipol oli no bin lisin.
Jeremaea 6:1–19; 8–9; 17:21–27
Jeremaea i bin tijim ol pipol blong plante yia. Be oli no sakem sin. Be, oli bin mekem nogud long Jeremaea mo oli bin sakem hem i go long kalabus.
Jeremaea 20:2; 26:8–9; 37:15–18; 38:6
Jeremaea i bin lavem ol pipol. Hem i bin krae from ol sin blong olgeta. Semmak olsem we hem i bin talem, Jerusalem i smas gud evriwan, mo oli holem ol pipol oli prisena.
Jeremaea 9:1–8; 25:9–12; 52:1–10
Oli tekem Jeremaea i go long Ijip. Lod i bin talem long hem blong hem i raetemdaon ol profesi blong hem. Jeremaea i obei long Lod, iven taem ol samting oli bin had. Hem i bin gohed blong talem long ol pipol blong hem se oli mas kipim ol promes we oli bin mekem wetem Lod.