Daniel 1

Daniel mo Ol Fren blong Hem

No agri blong kakae kaekae blong King

ol boe we ol soldia oli holemtaet olgeta

Kingdom blong Babilonia i winim Jerusalem. Oli bin karem sam long ol man we oli moa waes mo strong, aot long ol famli blong olgeta long Jerusalem, mo karem olgeta i gobak long Babilonia blong wok blong king.

Daniel 1:1–4

ol yangfala man insaed long kot blong king

Daniel mo ol fren blong hem oli sam long ol yangfala man ia. Oli jusum olgeta blong wok insaed long kot blong king mo kam ol waes man blong hem.

Daniel 1:4–6

Kaekae mo waen

King i bin givim kaekae mo waen long Daniel mo ol fren blong hem. Be olgeta oli no wantem kakae kaekae blong king o dring waen. Hem i agensem komanmen blong God.

Daniel 1:5–8

Ol yangfala man oli stap kakae

Hemia i mekem wokman blong king i fraet from laef blong hem. Hem i lukluk long Daniel mo ol fren blong hem, mo ting se sapos oli no wantem kaekae blong king, bae oli nomo gat paoa bitim ol narafala yangfala man. Afta king bae i kros mo mekem oli kilimded wokman ia.

Daniel 1:9–10

Daniel i stap toktok long wokman ia

Be Daniel i trastem God mo wantem blong obei long ol komanmen blong Hem. Daniel i askem wokman ia blong givim wota mo ol vejetebol blong 10 dei mo afta, komperem helt blong olgeta wetem helt blong ol narafala yangfala man. Wokman ia i agri.

Daniel 1:11–14

Daniel mo ol fren blong hem oli stap stadi

Afta long 10 dei, Daniel mo ol fren blong hem oli moa helti bitim evri narafala yangfala man. Daniel mo ol fren blong hem oli folem komanmen blong God, mo God i mekem olgeta oli moa waes insaed long kot blong king.

Daniel 1:15–20