“Yang Deved,” Ol Stori long OlTesteman (2022)
“Yang Deved,” Ol Stori long OlTesteman
Yang Deved
Wan boe we i lukaot long sipsip, Lod i singaotem blong kam king
Lod i sendem profet Samuel blong i faenem wan niu king. Sol, we i king long tetaem ia, i bin stop blong stap folem Lod. Lod i talem long Samuel blong i travel i go long Betlehem mo faenem wan man we nem blong hem i Jese. Niufala king, bae i wan long ol boe blong Jese.
Ol bigfala boe blong Jese, oli tolfala mo oli strong. Be Lod i talem long Samuel blong no jajem olgeta folem wei we oli luk o mekem olgeta.
Samuel i bin askem Jese sapos hem i gat sam nara boe. Jese i talem se lasbon boe blong hem, Deved, i stap lukaot long ol sipsip. Oli tekem Deved i kam luk Samuel.
Deved i smol moa bitim ol brata blong hem, mo hem i jes wan boe we i lukaot long sipsip. Be Lod i no bin wantem save se Deved i luk olsem wanem. Lod i bin save hat blong Deved i fulap long fet. Hem i talem long Samuel se Deved bae i king. Samuel i blesem Deved. Spirit blong Lod i bin mekem Deved i rere blong kam king.