Ol Man Isrel long Waelples

Stap lanem blong stap dipen long Lod

I no longtaem afta we Ol Man Isrel oli aot long Ijip, nao oli komplen se oli no gat kaekae. Oli talem se bae i moa gud blong oli stap slef long Ijip bitim blong stap ded hanggri long waelples.

Eksodas 16:1–3

Pikja

Ol Man Isrel oli stap pikimap mana

Blong tijim Ol Man Isrel blong oli trastem Hem, Lod i sendem bred long heven i kamdaon, blong oli save pikimap evri dei. Oli singaotem bred ia, mana. Hem i tes olsem hani. Lod i no bin sendem mana long Sabat, we i nambaseven dei blong wik. Mekem se long nambasikis dei, Hem i talem olgeta blong pikimap inaf mana blong tu dei.

Eksodas 16:4–5, 14–31

Pikja

Ol Man Isrel oli stap pikimap kwel

Blong wan smol taem, Lod i sendem ol kwel tu blong Ol Man Isrel oli kakae. Long moning, oli pikimap mana, mo long naet oli pikimap ol kwel. Lod i bin wantem se Ol Man Isrel oli mas lanem blong oli trastem Hem. Long wei ia nao Hem i bin stap lukaotgud long olgeta long waelples.

Eksodas 16:11–13