“Hega,” Ol Stori long OlTesteman (2022)
“Hega,” Ol Stori long OlTesteman
Hega
Plan we Lod i gat long gel blong Hem
Hega i woman slef blong Sarae. Sarae i olfala mo i no gat pikinini. Hem i talem long hasban blong hem, Ebraham, blong maredem Hega, blong mekem se tufala i save gat pikinini. Ebraham mo Hega, tufala i mared, mo i no longtaem afta, Hega bae i bonem wan bebi i kam long wol.
Hega mo Sarae, tufala i stat blong nognogud long tufala. Hega i bin jusum blong hem i ronwe i go long wan draeples.
Taem we Hega i bin stap travel i go, hem i taet mo hem i tosta. Nao, hem i kasem wan ples we i gat wota mo hem i spel long ples ia.
Lod i bin save long saed blong ol trabol blong Hega, mo Hem i gat wan plan blong helpem hem. Hem i sendem wan enjel blong i go askem hem blong hem i gobak long Ebraham mo Sarae. Hem i bin promesem hem se famli blong Hega, bae i kam bigwan. Hem i talem se bebi ia, bae i wan boe, mo bae hem i singaotem hem se, Ismael.
Hega i bin gat tras long Lod, mo i bin obei long enjel. Hem i gobak long Ebraham mo Sarae. Hega i bonem bebi boe blong hem i kam long wol ia, mo nem blong hem i Ismael. Hega i bin save se Lod i bin stap lukaotgud long hem.