Jenesis 27–33

Jekob mo Famli blong Hem

Olsem wanem Lod i holemtaet ol promes blong Hem

Jekob i stap wokbaot wetem dongki

Jekob i lego hom blong hem blong ronwe long brata blong hem Esao we i kros long hem. Papa blong Jekob i blesem hem blong i faenem mo maredem wan woman we i lavem Lod mo i kipim ol komanmen blong Hem.

Jenesis 27:42–46; 28:1–5

Jisas Kraes i kamkamaot long Jekob

Taem Jekob i stap travel, Lod i visitim hem long wan visen. Hem i promes se oltaem bae Hem i stap wetem Jekob. Jekob i promes blong givim wan aot long ten blong evri samting we hem i kasem.

Jenesis 28:10–16, 20–22

Jisas Kraes i stap toktok long Jekob

Lod i promesem Jekob se bae hem i gat plante pikinini. Tru long ol pikinini blong Jekob, ol famli blong wol ia bae oli kasem blesing ia blong save Sevya. Oli singaotem famli blong Jekob long ol las dei ia olsem haos blong Isrel.

Jenesis 28:3–4, 14; 1 Nifae 10:14

Jekob mo Rejel

Jekob i travel i go long wan graon we oli singaotem Haran. Longwe, hem i lavem wan woman we i stret mo gud we nem blong hem Rejel.

Jenesis 27:43; 29:9–20

Jekob i stap wok long garen

Jekob i agri blong wok seven yia blong papa blong Rejel, Leban, sapos, Leban i letem blong hem i maredem Rejel. Leban i agri. Jekob i wok blong seven yia.

Jenesis 29:21–27

Jekob, Rejel, mo Lea

Be Leban i wantem Lea, bigfala gel blong hem blong i mared faswan. Long taem blong mared, Leban i trikim Jekob mo i mekem hem i maredem Lea. Be Jekob i lavem Rejel. Hem i promes blong wok seven yia bakegen sapos hem i save maredem Rejel tu. Leban i agri, mo famli blong Jekob i stat blong gro.

Jenesis 29:28–35; 30:3–13, 17–24; Jekob 2:27–30

Jekob i stap travel wetem famli

Leban i no stap pem gud Jekob. Be Lod i blesem Jekob wetem plante animol mo i talem long Jekob blong i gobak hom.

Jenesis 30:31, 43; 31:1–7, 17–18

Jekob

Long rod blong hem i gobak, Jekob i lanem se brata blong hem Esao mo 400 man oli stap kam blong mitim hem.

Jenesis 32:3–6

Jekob i stap haedem famli blong hem

Jekob i ting se, maet Esao i kros long hem yet. Jekob i wari long sefti blong famli blong hem, mekem se hem i tekem olgeta i go long wan sef ples mo prea.

Jenesis 32:7–24

Jisas Kraes i stap toktok wetem Jekob

Jekob i prea ful naet kasem moning. Lod i visitim Jekob mo i blesem hem. Lod i talem long Jekob se bae hem i wan bigfala lida long fulap man. Lod i jenisim nem blong Jekob i go long Isrel.

Jenesis 32:24–30

Esao i mitim Jekob

I no longtaem, Esao mo ol man blong hem oli faenem Jekob mo famli blong hem. Esao i nomo kros long Jekob. Hem i ron blong go mitim Jekob mo i haggem hem. Hem i glad tumas blong luk hem mo mitim famli blong hem. Jekob i hapi blong luk Esao bakegen tu.

Jenesis 33:1–7

Jekob mo Esao i stap lukluk famli

Lod i kipim ol promes blong Hem i go long Jekob truaot long laef blong Jekob. Jekob i kambak long hom wetem famli blong hem mo oli laef long we. Stat long taem ia i go, oli singaotem Jekob, Isrel, mo oli singaotem famli blong hem ol laen blong Isrel. Hem i gohed blong kipim ol komanmen mo wosipim Lod.

Jenesis 33:17–20