“Daniel mo Hol blong Laeon,” Ol Stori long OlTesteman (2022)
“Daniel mo Hol blong Laeon,” Ol Stori long OlTesteman
Daniel 6
Daniel mo Hol blong Laeon
Strong tingting blong wan man blong prea
Darias i rul ova long Babilonia. Hem i bin lavem Daniel mo wantem mekem hem i lida ova long evri kingdom. Sam log ol waes man blong king oli jalus.
Ol waes man oli save se Daniel i stap prea long God, mekem se oli trikim king blong mekem wan niu loa. Bae oli sakem eni man we i prea long God, i go long hol blong ol laeon.
Daniel i jusum blong prea long God nomata long loa ia. Ol waes man blong king oli luk Daniel i stap prea mo oli talem long king se Daniel i stap brekem loa. King i luksave se ol waes man blong hem oli bin trikim hem. Hem i traem blong faenem wan wei blong sevem Daniel, be king i mas folem loa blong hemwan.
Oli sakem Daniel i go long hol blong laeon. King i wekap ful naet mo stap livim kakae blong mekem Daniel bae i stap sef.
Eli long nekis moning, king i hariap i go long hol blong laeon. Hem i singaot i go long Daniel blong luk sapos hem i laef yet i stap. !Daniel i singaot i kambak! Hem i talem long king se God i sendem wan enjel blong sarem maot blong ol laeon ia. Ol laeon ia oli no kakae hem.
King i bin hapi se Daniel i sef. Hem i panisim ol waes man ia we oli trikim hem, mo stopem loa ia. Hem i tijim kingdom blong hem abaot paoa mo gudfala fasin blong God.