Nehemaea 1–2; 4; 6

Nehemaea

Bildimbak fanis stonwol long Jerusalem

Nehemaea, we i king i stap lukluk i go

Nehemaea i wan Jiu we i stap laef long Pesia. Hem i wan long ol wokman blong king we king i trastem. Wan dei, Nehemaea i harem se Ol Jiu long Jerusalem oli bin stap safa. Ol fanis stonwol we oli stap protektem Jerusalem, oli nogud evriwan, mo oli neva bildimbak olgeta. Jerusalem i stap long denja. Nehemaea i bin livim kakae mo i bin prea blong kasem help blong Lod.

Nehemaea 1

king i stap toktok long Nehemaea abaot fanis stonwol

King i bin askem Nehemaea se from wanem hem i stap harem nogud. Hem i talem long king abaot denja we i stap long Jerusalem. King i talem se bae hem i save help. Nehemaea i askem blong go long Jerusalem mo bildimbak fanis stonwol ia. King i mekem se Nehemaea i kam lida mo i givim hem evri samting we hem i bin nidim.

Nehemaea 2:2–8

Nehemaea i bildim wan fanis stonwol, mo ol enemi oli stap lukluk i go

Nehemaea mo Ol Jiu oli stat blong bildimbak ol fanis stonwol blong Jerusalem. Be ol enemi blong olgeta oli stap jikim olgeta mo oli bin traem blong stopem olgeta.

Nehemaea 2:17–20

ol pipol oli stap jikim Nehemaea

Ol enemi oli bin traem blong trikim Nehemaea blong hem i aot long siti ia. Be Nehemaea i no aot. Hem i bin gat tras long Lod. Hem i bin stap mekem wan bigfala hae wok.

Nehemaea 6:2–4

Nehemaea i stanap long wol ia we i finis

Nehemaea i talem long ol pipol blong hem blong oli no fraet. Oli putum ol gadman long fanis stonwol ia blong kipim i sef i stap. Ol Jiu oli bin gohed blong bildim fanis stonwol ia. Lod i givim paoa long bodi long Ol Jiu, mo oli bin finisim fanis stonwol ia long 52 dei. Jerusalem i stap sef bakegen.

Nehemaea 4:6–15; 6:5–9, 15–16