Jenesis 4; Moses 5–6

Famli blong Adam mo Iv

Stap jusum blong folem Lod

Afta we Adam mo Iv tufala i aot long Garen blong Iden, nao tufala i gohed blong stap lan abaot plan we Papa long Heven i gat long saed blong tufala, long wol ia. Tufala i gat plante pikinini mo tufala i tijim olgeta evri samting we tufala i bin save abaot Lod. Sam long ol pikinini blong Adam mo Iv oli bin jusum blong obei long Lod. Be sam long olgeta, oli no jusum hemia.

Moses 5:1–12; 6:15

Famli blong Adam mo Iv i bin kipim wan buk blong save tingbaot ol samting. Oli bin raetemdaon famli histri blong olgeta insaed long buk ia. Oli bin raet abaot wei we Lod i bin helpem olgeta.

Moses 6:5–6

Ken mo Ebel, tufala i tu long ol boe blong Adam mo Iv. Ebel i bin lavem Lod mo i bin jusum blong folem Hem. Ken i no bin obei long Lod. Hem i jusum blong hem i agens.

Jenesis 4:1–16

Famli blong Adam mo Iv i gohed blong kam bigwan. Plante moa pipol oli bin bon i kam long wol. Evriwan i bin gat fridom ia blong mekem ol joes. Taem we taem i stap go, sam pipol oli go agensem ol komanmen blong Lod. Lod i bin sendem ol profet blong oli tijim ol pipol blong oli sakem sin.

Jenesis 4:25–26; Moses 5:13; 6:23