Jajes 4–5

Debora–Woman we I Profet

Wan lida we i bin helpem Isrel blong oli gat tras long Lod

Debora–Woman we I Profet

Debora i wan woman we i profet, wan fetful lida blong Ol Man Isrel, we Lod i stap givim insperesen long hem. Ol pipol blong hem oli bin stop blong stap obei long ol komanmen blong Lod, mo Ol Man Kenan oli bin rul ova olgeta. Afta twante yia, Ol Man Isrel oli stat blong prea blong kasem help blong Lod.

Jajes 4:1–5

Debora i stap prea

Lod i bin harem ol prea blong olgeta. Hem i talem long Debora blong putum tugeta wan ami blong Ol Man Isrel blong oli faet agensem Ol Man Kenan.

Jajes 4:6

Debora i stap toktok long ol soldia

Ami blong Ol Man Kenan, i gat fulap soldia mo kat blong faet. Hemia i mekem ami blong Ol Man Isrel oli fraet, be Debora i no fraet. Hem i bin save se bae Lod i helpem olgeta.

Jajes 4:3, 7

Barak i stap askem Rehab blong kam

Barak i lida blong ami blong Ol Man Isrel. Hem i no bin wantem faet. Be hem i ting se, sapos Debora i go wetem ami ia, bae Lod i protektem olgeta. Debora i agri blong go. Hem i bin talem profesi ia se bae wan woman bae i winim Siseraha, lida blong ami blong Ol Man Kenan.

Jajes 4:8–9

Debora mo wan ami long top blong wan bigfala hil

Ami blong Ol Man Isrel oli kam tugeta long wan bigfala hil, mo Ol Man Kenan oli kam tugeta long wan vale. Debora i talem long Barak blong hem i aot long top blong bigfala hil mo i go daon. Hem i promesem olgeta se bae Lod i stap wetem olgeta.

Jajes 4:12–14

ol kat we strong win i bin wasemaot olgeta

Lod i sendem ren, mo kat blong faet blong Ol Man Kenan, wota i karem i go. Plante Man Kenan oli bin draon long reva, be Siseraha i bin ronwe.

Jajes 4:15, 17; 5:4–5, 19–22

Jael i invaetem Siseraha i go insaed long tenet blong hem.

Wan woman, nem blong hem Jael, i stap laef long wan tenet kolosap. Hem i bin luk Siseraha i stap ron, mo i talem long hem blong i haed insaed long tenet blong hem. Jael i bin save se hem i lida blong ami blong Ol Man Kenan, mo hem i kilimded Siseraha blong hem i nomo save mekem nogud long ol pipol.

Jajes 4:15–21

Debora i stap lukluk long wan taon we i gat pis

Profesi blong Debora i bin kamtru. Siseraha i bin lus, mo wan woman i winim hem. Debora i bin singsing wan singsing blong helpem Ol Man Isrel blong tingbaot olsem wanem nao Lod i bin sevem olgeta. Ol Man Isrel oli bin obei long ol komanmen, mo oli bin laef long pis blong 40 yia.

Jajes 5:1, 24–27, 31