“Profet Moses,” Ol Stori long OlTesteman (2022)
“Profet Moses,” Ol Stori long OlTesteman
Eksodas 2–3
Profet Moses
Oli singaotem hem blong mekem ol pipol blong Lod i fri
Moses i groap olsem boe blong gel blong Fero. Moses i luk we Ol Man Ijip oli no kaen long Ol Man Isrel. Hem i harem nogud we ol man Ijip oli mekem Ol Man Isrel olsem ol slef blong olgeta.
Wan dei Moses i luk wan Man Ijip i stap kilim wan Man Isrel. Blong protektem Man Isrel ia, Moses i kilimded Man Ijip ia.
Taem Fero i faenemaot, hem i wantem kilimded Moses, be Moses i ronwe long Ijip.
Moses i kam long wan ples we oli singaotem Midian, long ples we hem i mitim wan woman we nem blong hem Jipora. Tufala i mared, mo gat ol pikinini.
Taem oli stap laef long Midian, Moses i luk wan bus we faea i stap laet long hem, be faea ia i no bonem bus ia. Lod i bin kamkamaot long faea ia mo i toktok long Moses.
Lod i talem se Hem i save se Ol Man Isrel oli stap safa long Ijip. Hem i givim oda long Moses blong gobak long Ijip mo talem long Fero blong lego Ol Man Isrel oli go fri. Lod i talem se bae Hem i helpem Moses blong mekem Ol Man Isrel oli go fri mo lidim olgeta i go long wan graon blong promes.