1 King 16–18

Profet Elaeja

Fet blong wan mama mo ol merikel blong Lod

Kingdom blong Isrel i nogat ren mo oli stap sot long wota. King Ahab mo Kwin Jesebel oli no laekem ol profet blong Lod. Oli iven mekem oli kilim sam long ol profet. King mo kwin, tufala i prea long ol aedol blong ren i ren. Be profet Elaeja i talem long olgeta se bae Lod i no sendem ren i kam blong sam yia.

1 King 16:29–33; 17:1; 18:13

King mo kwin oli kros long Elaeja. Lod i bin talem long Elaeja blong haed from laef blong hem i stap long denja.

1 King 17:2–3

Lod i lidim Elaeja i go long wan krik mo i sendem ol pijin blong karem kaekae i go long hem. Be from se i no gat ren, krik i drae, mo Elaeja i no gat wota.

1 King 17:4–7

Lod i lidim Elaeja i go long wan woman long wan siti we i stap longwe Elaeja i askem wota mo bred long hem. Be hem i gat inaf nomo blong hemwan mo boe blong hem blong wan moa dei.

1 King 17:8–12

Elaeja i save se hemia i ol laslas kaekae blong hem. Hem i promesem woman ia se sapos hem i fidim hem, bae Lod i givim kaekae blong famli blong hem kasem taem ren i kambak.

1 King 17:13–14

Woman ia i mekem bred blong Elaeja. !Afta oel mo flaoa blong hem i kam fulap moa! I gat inaf kakae blong tugeta, Elaeja mo famli blong hem blong plante moa dei.

1 King 17:15–16

Wan dei, boe blong woman ia i sik mo i ded. Hem i askem Elaeja from wanem Lod i letem blong hemia i hapen long hem.

1 King 17:17–20

Elaeja i gat prishud. Hem i blesem boe blong woman ia mo askem Lod blong i letem boe ia i laef bakegen. Pikinini ia i pulum win bakegen, mo woman ia i save se Elaeja i wan profet blong Lod.

1 King 17:21–24