Rehab mo Ol Spae

Wan joes we i sevem wan famli

Wan woman we nem blong hem, Rehab, i stap laef long Jeriko bifo Ol Man Isrel oli winim ples ia. Hem i harem se Lod i bin seraotem Red Si blong Ol Man Isrel oli wokbaot krosem. Rehab i bin save se Lod bae i helpem Ol Man Isrel blong oli faet agensem siti blong hem. Ol pipol long Jeriko oli gat nogud fasin.

Josua 2:9–11

Pikja

ol spae oli stap haed long ol gadman

Profet Josua i lidim ami blong Ol Man Isrel. Hem i sendem tufala spae i go long Jeriko. Be oli luk ol spae ia, mo king blong Jeriko i sendem ol gadman blong arestem olgeta.

Josua 2:1–3

Pikja

Rehab i stap toktok long ol spae

Ol spae oli go long haos blong Rehab. Rehab i agri blong helpem ol spae, mekem se hem i haedem olgeta long ruf blong haos blong hem.

Josua 2:4–6

Pikja

Rehab i haedem ol spae

Ol man blong king oli luklukgud insaed long haos blong Rehab be oli no save faenem ol spae ia. Afta we oli aot, Rehab i askem ol spae blong protektem famli blong hem taem we ami blong olgeta oli kam blong faet agensem Jeriko. Ol spae oli promesem Rehab se bae famli blong hem bae i sef. Afta, Rehab i sakem wan rop aot long windo blong hem blong ol spae oli yusum blong ronwe.

Josua 2:3, 12–15

Pikja

Rehab mo famli blong hem oli ronwe long Jeriko

Ol spae oli gobak long profet Josua mo talem long ami blong Ol Man Isrel blong oli no mekem nogud long eniwan insaed long haos blong Rehab. Afta long hemia, taem Ol Man Isrel oli bin faet agensem Jeriko, oli bin kipim promes blong olgeta long Rehab. Strong paoa long tingting blong Rehab i sevem famli blong hem. Famli blong Rehab i joenem ol pipol blong Lod.

Josua 2:23; 6:25; Hibrus 11:31