Te ’utuāfare ’o Adamu ’e Eva

Ma’itira’a ’ia pe’e i te Fatu

I muri a’e i tō Adamu ’e ’o Eva fa’aru’era’a i te ’ō i Edene, ’ua tāmau noa rāua i te ha’api’i mai nō ni’a i te ’ōpuara’a a te Metua i te ao ra nō rāua i ni’a i te fenua nei. E rave rahi tā rāua tamari’i ’e ’ua ha’api’i ia rātou i te mau mea ato’a tā rāua i ’ite nō ni’a i te Fatu. ’Ua mā’iti te tahi o te mau tamari’i a Adamu ’e Eva ’ia ha’apa’o i te parau a te Fatu. Terā rā, ’ua mā’iti te tahi pae o rātou ’eiaha e ha’apa’o.

Mose 5:1–12 ; 6:15

Hōho’a

Adamu ’e ’o Eva ’e te mau tamari’i, Adamu e pāpa’i ra i te mau pāpa’ira’a mo’a

’Ua pāpa’i te ’utuāfare ’o Adamu ’e ’o Eva i te hō’ē buka ha’amana’ora’a. ’Ua pāpa’i rātou i tō rātou ’ā’amu ’utuāfare i roto i te buka. ’Ua pāpa’i rātou e mea nāhea tō te Fatu tauturura’a ia rātou.

Mose 6:5–6

Hōho’a

Kaina ’e ’o Abela

E nā tamaiti Kaina ’e ’o Abela nā Adamu ’e ’o Eva. ’Ua herehia Abela e te Fatu ’e ’ua mā’iti i te pe’e iāna. ’Aita o Kaina i ha’apa’o i te parau a te Fatu. ’Ua mā’iti ’oia e ’ōrurehau.

Genese 24:1–28

Hōho’a

taʼata e hiʼo ra i te ’oire

’Ua tupu noa te utuāfare ’o Adamu ’e ’o Eva i te rahi. E rave rahi atu ā mau ta’ata tei fānauhia. E ti’amāra’a tō rātou pā’āto’a ’ia mā’iti. I muri mai, ’ua ’ōrurehau te tahi mau ta’ata i mua i te mau fa’auera’a a te Fatu. ’Ua tono atu te Fatu i te mau peropheta nō te ha’api’i i te nuna’a ’ia tātarahapa.

Genese 4:25–26 ; Mose 5:13 ; 6:23