Exodo 1–2

Te ’aiū Mose

Te pārurura’a i te ti’a fa’atere nō ’ananahi o te mau ’āti ’Īserā’ela

’Ua riro mai te ’utuāfare o Iakoba ’ei hō’ē nuna’a rahi i Aiphiti. ’Ua pi’ihia rātou te mau ’āti ’Īserā’ela. ’Ua ri’ari’a Phara’o, te ari’i o Aiphiti ē, i te hō’ē mahana e rahi roa te mau ’āti ’Īserā’ela ’e ’ia rave rātou i te fa’aterera’a ia Aiphiti, nō reira, ’ua rave ’oia i te mau ’āti ’Īsera(ela ’ei mau tītī nāna.

Exodo 1:7–14

I muri iho, ’ua fa’aue Phara’o ē, ’ia taparahi-pohe-hia te mau ’aiū tamāroa fānau ’āpī ’Īserā’ela. ’Ua mata’u roa te mau ’utuāfare ’Īserā’ela.

Exodo 1:15–22

’Ua feruri te hō’ē metua vahine ’āti ’Īserā’ela ’o Iohebeda te i’oa i te hō’ē rāve’a nō te fa’aora i tāna tamaiti fānau ’āpī. ’Ua tu’u ’oia i tāna ’aiū i roto i te hō’ē panie ’e ’ua huna i te panie i roto i te ’aihere teitei i hiti ’ānāvai ’o Nile. ’Ua ara te tuahine o te ’aiū ’o Miriama i ni’a iāna nō tē pāruru iāna.

Exodo 2:1–4

I te hopura’a i roto i te ’ānāvai, ’ua ’ite mai te tamāhine a Phara’o i te panie. ’Ua ’ite ’oia i te ’aiū ’Īserā’ela pāruru ’ore e ta’i ra ’e ’ua hina’aro ’oia e fa’a’amu iāna mai tāna iho tamari’i. ’Ua haere mai ’o Miriama e hi’o i te tamāhine a Phara’o ra ’e ’ua ani iāna e nehenehe ānei tāna e ’āfa’i mai i te hō’ē vahine ’Īserā’ela nō te aupuru i te ’aiū.

Exodo 2:5–6

’Ua ’āfa’i mai ’o Miriama i tōna metua vahine, ’o Iohebeda, i te tamāhine a Phara’o. ’Ua fāri’i te tamāhine a Phara’o ’ia ’aufau ia Iohebeda nō te aupuru i te ’aiū.

Exodo 2:8–9

’Ua pa’ari te ’aiū ’Īserā’ela. ’Ua fa’a’amu te tamāhine a Phara’o iāna mai tāna iho tamaiti. ’Ua pi’i ’oia iāna ’o Mose.

Exodo 2:10