Malaki te peropheta

Te orara’a i te ture nō te tuha’a ’ahuru

Te mau ta’ata e hōro’a nei i te tuha’a ’ahuru ’ino

’Ua ’aufau te ’āti Iuda i te tuha’a ’ahuru nā roto i te hōro’ara’a hō’ē i ni’a i te ’ahuru o tā rātou mau huero ’e te mau ’ānimala i te Fatu ra. ’Ua ha’amaita’i te Fatu ia rātou ’ia ’aufau ana’e rātou i te tuha’a ’ahuru. Terā rā ’ua ha’amata te tahi mau ’āti Iuda i te hōro’a i te mā’a vi’ivi’i ’e ’aore rā i te mau ’ānimara matapō ’e te ma’ihia ’ei tuha’a ’ahuru nā rātou. ’Ua tāpe’a rātou i te mea maita’i roa a’e nā rātou iho.

Genese 14:20 ; 28:22 ; Deuteronomi 12:6, 11, 17 ; Malaki 1:7–8, 12–13

’Aita te Fatu i māuruuru. ’Ua parau ’o Malaki, te peropheta, i te mau ’āti Iuda ē tē ’eiā ra rātou i te Fatu i te mea ē ’aita e parauti’a i roto ia rātou i te ’aufaura’a i te tuha’a ’ahuru. ’Ua a’o ’o Malaki ia rātou ē ’ia tātarahapa rātou.

Malaki 3:8–9

Te hi’o ra ’o Malaki i te nūna’a e hōro’a ti’a nei i te tuha’a ’ahuru

’Ua tohu te Fatu i te tahi fafaura’a nō te mau ’āti Iuda. Mai te mea e hōro’a rātou i te tahi tuha’a ’ahuru ti’a, e nīni’i mai ïa te Fatu i te mau ha’amaita’ira’a rarahi mai te ra’i mai.

Malaki 3:10–12