Exodo 4–5 ; 7–12

Te mau ’ati ’o Aiphiti

Te mau mā’itira’a a Phara’o i mua i te Fatu

Mose ’e ’o Aarona e paraparau ra ia Phara’o

’Ua ti’aturi Mose i te Fatu ’e ’ua ho’i atu i Aiphiti. ’Ua haere atu Mose ’e tōna taea’e ’o Aarona ia Phara’o ra ’e ’ua ani iāna ’ia vaiiho i te ’āti ’Īserā’ela ’ia ti’amā ’e ’ia fa’aru’e ia Aiphiti. ’Ua riri Phara’o ’e ’ua pāto’i. ’Ua fa’ahepo ’oia i te mau ’āti ’Īserā’ela ’ia rave hau atu ā i te ’ohipa ma te pūai.

Exodo 4:10–16 ; 5:1–18

te ’ānāvai pape i tauihia ’ei toto

Nō te mea ’aita Phara’o i fa’aro’o i te parau a te Fatu, ’ua fa’ahapahia te mau ’āti Aiphiti i te mau ’ati rahi. A tahi, ’ua tauihia te pape ato’a i ’Aiphiti ’ei toto. ’Ua ani fa’ahou ’o Mose ia Phara’o ’ia vaiiho i te ’āti ’Īserā’ela ’ia haere, ’ua parau Phara’o ’aita.

Exodo 7:14-25

mau rana e ’ōu’a ra i ni’a i te mau ’āti Aiphiti

I muri iho, ’ua tono mai te Fatu i te mau rana i ’Aiphiti. Tei te mau vāhi ato’a rātou. ’Ua parau atu Phara’o e vaiiho ’oia i te ’āti ’Īserā’ela ’ia haere ’ē mai te mea e reva ’ē te mau rana. ’Ua fa’areva ’ē te Fatu i te mau rana, ’aita rā Phara’o i vaiiho i te ’āti ’Īseraela ’ia haere. I muri iho, ’ua tono mai te Fatu i te ’utu ’e te ra’o.

Exodo 8:1-32

te ’āti Aiphiti ’e te mau ’ānimara pohe

I muri a’e, ’ua pohe te tā’āto’ara’a o te mau ’ānimara nō te fare fa’a’apu a te ’āti Aiphiti, ’aita rā hō’ē ’ānimara a te ’āti ’Īseraela i pohe. I muri iho, ’ua māuiui roa te mau ’āti Aiphiti i te pēpē i ni’a i tō rātou tino.

Exodo 9:3–12

’ua ha’amou te vero ua pa’ari ’e te auahi ia Aiphiti

’Ua tae ato’a mai te hō’ē vero rahi ua pa’ari ’e te auahi i Aiphiti. ’Ua fa’atupu te reira i te ha’amoura’a rahi.

Exodo 9:22–35

’ua ’amu te mau perete’i i te mau mā’a tupu

’Aita iho ā Phara’o i hina’aro e vaiiho i te ’āti ’Īserā’ela ’ia haere. I muri iho, ’ua tono mai te Fatu i te mau perete’i, ’e ’ua ’amu rātou i te mā’a a te mau ta’ata ato’a.

Exodo 10:12–20

Phara’o

I muri iho, tē vai ra e toru mahana pō pōiri. I roto i te mau mau ’ati e rave rahi, ’ua fafau Phara’o e vaiiho i te ’āti ’Īserā’ela ’ia haere mai te mea e fa’aea te mau ’ati, ’ua ha’avare rā ’oia i te mau taime ato’a.

Exodo 10:21–23, 27

Mose ’e te ’utuāfare.

I muri a’e e iva mau ’ati ta’a ’ē, ’aita iho ā ’o Phara’o i vaiiho i te ’āti Isera’ela ’ia haere. ’Ua parau te Fatu ia Mose ē, e tae mai te hō’ē atu ’ati ri’ari’a mau. ’Ua arata’i ’e ’ua pāruru te Fatu i te ’āti ’Īserā’ela ’a tīa’i ai rātou i tō rātou ti’amāra’a.

Exodo 11:4–7 ; 12:1–13