Hagara

Te fa’anahora’a a te Fatu nō tāna tamāhine

E tāvini ’o Hagara nō Sara. E mea pa’ari ’o Sara ’e ’aita tāna e tamari’i. ’Ua parau ’oia i tāna tāne ia Aberahama, ’ia fa’aipoipo ia Hagara ’ia nehenehe rāua ’ia fānau i te tamari’i. ’Ua fa’aipoipo Aberahama ia Hagara, ’e ’aita i maoro roa, e fānau mai Hagara i te hō’ē ’aiū.

Genese 16:1–3

Hōho’a

Hagara e horo ’ē ra

’Ua ha’amata Hagara ’e ’o Sara i te hi’o ’ino i te tahi ’e te tahi. ’Ua mā’iti Hagara e horo ’ē i te mēdēbara.

Genese 16:4–6

Hōho’a

tē fa’afa’aea ra Hagara i te pae pape

’A rātere ai Hagara, ’ua rohirohi roa ’oia ’e te po’ihā. I te hope’a, ’ua tae atu ’oia i te hō’ē vāhi tē vai ra te pape ’e ’ua fa’afa’aea i reira.

Genese 16:7

Hōho’a

te melahi e paraparau ra ia Hagara

’Ua ’ite te Fatu i te mau fifi ’o Hagara ’e ’ua rave i te hō’ē fa’anahora’a nō te tauturu iāna. ’Ua tono atu ’oia i te hō’ē melahi nō te ani iāna ’ia ho’i i pīha’i iho ia Aberahama ’e ’ia Sara. ’Ua fafau ’oia ē, e tupu te utuāfare ’o Hagara i te rahi. ’Ua parau ’oia, te ’aiū tāna e fāri’i e tamāroa ïa ’e ’ia topa ’oia i tōna i’oa o Isemaela.

Genese 16:7–14

Hōho’a

Hagara ’e ’o Isemaela i pīha’i iho ia Aberahama ’e ia Sara

’Ua ti’aturi Hagara i te Fatu ’e ’ua ha’apa’o i te parau a te melahi. ’Ua ho’i atu ’oia i pīha’i iho ia Aberahama ’e ia Sara. ’Ua fānau mai Hagara i tāna ’aiū tamāroa, ’e ’o Isemaela tōna i’oa. ’Ua ’ite Hagara ē, te hi’o mai ra te Fatu iāna.

Genese 16:11, 15