« Isaia te peropheta », Te mau ’ā’amu o te Faufa’a Tahito (2022)
« Isaia te peropheta », Te mau ’ā’amu o te Faufa’a Tahito
Isaia te peropheta
Te mau tohura’a nō ni’a i te Fatu ia Iesu Mesia
E rave rahi taime te paura’a te ’āti ’Īserā’ela ’e ’ua hina’aro ’ia pāruru te Fatu ia rātou. I te hō’ē mahana i roto i te hiero, ’ua pi’i te Fatu i te hō’ē ta’ata ’o Isaia te i’oa nō te ha’api’i i te nuna’a nō ni’a i te taera’a mai ’o Iesu Mesia. ’Ua here Isaia i te nuna’a ’e ’ua ha’api’i ia rātou e nāhea e ti’a ai i te Mesia i te fa’aora ia rātou.
’Ua ha’api’i mai Isaia ē, e haere mai Iesu Mesia i te hō’ē mahana nō te fa’aora i tōna nuna’a i te hara. E’ita rā te mau ta’ata ato’a e ’ite iāna ’ei Fa’aora nō rātou. ’Ua ’oto roa Isaia nō te mea ’ua ’ite ’oia e rave rahi ta’ata e ’ore e ti’aturi ia Iesu Mesia.
Isaia 6:9–13 ; 7:14 ; 53:1–9
’Ua tohu ato’a rā Isaia nō te tae-piti-ra’a mai o Iesu Mesia. E ho’i fa’ahou mai Iesu Mesia ’e e riro ’oia ’ei Ari’i nō te ao ato’a nei. E ho’i fa’ahou mai ’oia ’e e fa’atupu ’oia i te fa’anahora’a a tōna Metua nā roto i te ’āfa’ira’a mai i te maita’i ’e te hau e a muri noa atu. ’Ua parau Isaia ē, e ’ite te mau ta’ata ato’a ē, ’o Iesu Mesia tō rātou Fa’aora.