Mose te peropheta

Pi’ihia nō te fa’ati’amā i te nūna’a o te Fatu

’Ua tā’iri te ’āti Aiphiti i te ’āti ’Īserā’ela

’Ua pa’ari Mose ’ei hō’ē tamaiti nā te tamāhine a Phara’o. Tē ’ite nei Mose ē, e mea ’ino roa te ’āti Aiphiti i ni’a i te ’ati ’Īserā’ela. ’Ua ’oto ’oia i tō te ’ati ’Aiphiti fa’arirora’a i te ’ati ’Īserā’ela ’ei mau tītī nā rātou.

Exodo 2:10–11

Hōho’a

Mose e pāruru ra i te ’āti ’Īserā’ela

I te hō’ē mahana, ’ua ’ite Mose i te hō’ē ’āti Aiphiti i te tūpa’ira’a i te hō’ē ’āti ’Īserā’ela. Nō te pāruru i te ’āti ’Īseraela, ’ua taparahi pohe Mose i te ’āti Aiphiti.

Exodo 2:11–14

Hōho’a

Mose i roto i te medebara

I tō Phara’o ’itera’a i te reira, ’ua hina’aro ’oia e taparahi pohe ia Mose, ’ua horo ’ē atu rā Mose mai Aiphiti atu.

Exodo 2:15

Hōho’a

Mose ’e te ’utuāfare.

’Ua haere Mose i te hō’ē vāhi tei pi’ihia ’o Midiana, i reira ’ua fārerei atu ’oia i te hō’ē vahine ’o Zipora te i’oa. ’Ua fa’aipoipo rāua ’e ’ua fānau i te mau tamari’i.

Exodo 2:21–22.

Hōho’a

Mose e hi’o ra i te pu’u ’aihere ura

’A ora ai ’oia i Midiana, ’ua ’ite Mose i te hō’ē pu’u ’aihere ’e ura, ’aita rā te auahi i nīnā ra i te pu’u ’aihere. ’Ua fā mai te Fatu i roto i te auahi ’e ’ua paraparau atu ia Mose.

Exodo 3:1–6

Hōho’a

Iesu e paraparau ra ia Mose

’Ua parau te Fatu ē, ’ua ’ite ’oia tē mamae nei te ’āti ’Īserā’ela i Aiphiti. ’Ua fa’aue atu ’oia ia Mose ’ia ho’i i Aiphiti ’e ’ia parau ia Phara’o ’ia vaiiho i te ’āti ’Īserā’ela ’ia ti’amā. ’Ua parau te Fatu ē, e tauturu ’oia ia Mose ’ia fa’aora i te ’āti ’Īserā’ela ’e ’ia arata’i ia rātou i te hō’ē fenua i parauhia ra.

Exodo 3:7–18.