« Elia te peropheta », Te mau ’ā’amu o te Faufa’a Tahito (2022)
« Elia te peropheta », Te mau ’ā’amu o te Faufa’a Tahito
Te mau Ari’i 1 16–18
Elia te peropheta
Te fa’aro’o o te hō’ē metua vahine ’e te mau temeio a te Fatu
’Aita e ua i te bāsileia o ’Īserā’ela, ’e te tahe noa ra te pape. ’Aita te ari’i Ahaba ’e te ari’i vahine Iezebela e au roa i te mau peropheta a te Fatu. ’Ua taparahi pohe ato’a rāua i te tahi mau peropheta. ’Ua pure te ari’i ’e te ari’i vahine i te mau ’īdolo nō te ua. ’Ua parau rā te peropheta Elia ia rāua ē, e’ita te Fatu e hōro’a mai i te ua e rave rahi mau matahiti .
Te mau Ari’i 1 16:29–33 ; 17:1 ; 18:13
’Ua riri te ari’i ’e te ari’i vahine ia Elia. ’Ua fa’aara te Fatu ia Elia ’ia tāpuni nō te mea tei roto tōna ora i te fifi.
’Ua arata’i te Fatu ia Elia i te hō’ē ’ānāvai ’e ’ua tono i te mau manu nō te hōpoi atu i te mā’a nāna. Nō te mea ho’i ē ’aita i ua, ’ua marō te ’ānāvai, ’e ’aita tā Elia e pape.
’Ua arata’i te Fatu ia Elia i te hō’ē vahine ra i roto i te hō’ē ’oire ātea. ’Ua ani Elia iāna i te pape ’e te faraoa. ’Ua nava’i noa rā nāna iho ’e nā tāna tamaiti nō te hō’ē mahana hau atu.
’Ua ’ite Elia, ’o tāna mā’a iti hope’a te reira. ’Ua parau fafau atu Elia ē, mai te mea e fa’a’amu ’oia iāna, e hōro’a mai te Fatu i te mā’a nā tōna ’utuāfare ’e tae roa atu i te taime e ho’i fa’ahou mai ai te ua.
’Ua hāmani te vahine i te faraoa nā Elia. I muri iho, ’ua rahi atu tāna hinu ’e tāna faraoa ota ! ’Ua rava’i roa te mā’a nā Elia ’e nā tōna ’utuāfare nō e rave rahi mahana.
I te hō’ē mahana ’ua ma’ihia te tamaiti a te vahine ’e ’ua pohe. ’Ua ui atu ’oia ia Elia nō te aha te Fatu i vaiiho ai i teie mea ’ia tupu i ni’a iāna.
E autahu’ara’a tō Elia. ’Ua ha’amaita’i ’oia i tāna tamaiti ’e ’ua ani i te Fatu ’ia fa’aho’i mai i te ora. ’Ua huti fa’ahou mai te tamari’i i te aho, ’e ’ua ’ite te vahine e peropheta ’o Elia nā te Fatu.