« Sadaraka, Meseka, ’e ’o Abede-nego », Te mau ’ā’amu o te Faufa’a Tahito (2022)
« Sadaraka, Meseka, ’e ’o Abede-nego », Te mau ’ā’amu o te Faufa’a Tahito
Daniela 1–3
Sadaraka, Meseka, ’e ’o Abede-nego
Hō’ē tāmatara’a ataata o te fa’aro’o
’Ua patu te ari’i Nebukanesa i te hō’ē ti’i ’auro rahi ’e ’ua fa’ahepo i tōna mau ta’ata ’ia ha’amori i te reira. Mai te mea e pāto’i rātou, e tu’uhia rātou i roto i te hō’ē ūmu auahi.
’Ua here te mau hoa ’o Daniela, ’o Sadaraka, ’o Meseka, ’e ’o Abede-nego i te Atua ’e ’aita rātou i hina’aro e ha’amori i te atua ha’avare a te ari’i. ’Ua riri te ari’i ia rātou.
’Ua parau atu nā hoa e toru i te ari’i e ha’amori noa rātou i te Atua. ’Ua ti’aturi rātou e nehenehe tā te Atua e pāruru ia rātou. Terā rā, noa atu ’aita ’oia e fa’aora ia rātou, e pāruru rātou i te mea ’o tā rātou i ti’aturi.
’Ua riri te ari’i ia Sadaraka, Meseka, ’e ia Abede-nego. ’Ua huri atu ’oia ia rātou i roto i te ūmu auahi. I te taime rā, ’a hi’o ai te ari’i i roto i te ūmu, ’ua māere ’oia i te ’itera’a i te hō’ē ta’ata nō te ra’i mai i roto i te auahi ’e nā ta’ata e toru. E ’aita rātou i ha’amāuiuihia e te auahi.
’Ua pi’i te ari’i ia Sadaraka, Meseka, ’e ia Abede-nego, ’e ’ua haere mai rātou i rāpae i te ūmu. ’Aita te auahi i ha’amāuiui ia rātou ’aore rā i ha’apa’apa’a i tō rātou mau ’ahu.
’Ua ha’apa’o ’o Sadaraka, Meseka, ’e ’o Abede-nego i te mau fa’auera’a a te Atua, noa atu ē, ’ua fifi tō rātou ora. ’Ua tauturu tō rātou hi’ora’a i te ari’i ’ia ti’aturi i te Atua.