Iona te peropheta

Te ha’api’ira’a mai i te ti’aturi i te aroha o te Fatu

E peropheta Iona. ’Ua parau te Fatu iāna ’ia fa’aara atu i te mau ta’ata nō Nineve ē, e ha’amouhia tō rātou ’oire mai te mea ’aita rātou e tātarahapa.

Iona 1:1–2

Hōho’a

Iona e pa’i’uma ra i ni’a i te pahī

E ’enemi rā te mau ta’ata nō Nineve nō te ’āti ’Īserā’ela. ’Aita Iona i hina’aro e poro ia rātou. Nō reira, ’ua pa’i’uma atu ’oia i ni’a i te hō’ē pahī nō te fa’aātea ia Nineve.

Iona 1–3

Hōho’a

te pahī i ni’a i te moana vero rahi

’A vai ai Iona i ni’a i te pahī, ’ua tupu mai te hō’ē vero rahi. ’Ua mata’u te mau ta’ata i ni’a i te pahī nō tō rātou ora. ’Ua ani rātou ia Iona ’ia pure i te Fatu nō te fa’aora ia rātou.

Iona 1:4–6

Hōho’a

Iona e paraparau ra i te mau ihitai

’Ua ’ite Iona ē, ’ua tono mai te Fatu i te vero nō te mea ’ua horo ’ē atu ’oia i te mea tā te Fatu i ani iāna ’ia rave. ’Ua hina’aro Iona e fa’aora i te mau ta’ata i ni’a i te pahī. ’Ua parau ’oia ē, mai te mea e tāora rātou iāna i roto i te miti, e fa’aea te vero.

Iona 1:12

Hōho’a

’ua tāora te mau ihitai ia Iona i rāpae i te pahī

’Aita te mau ta’ata i hina’aro e tāora ia Iona i rāpae i te pahī. ’Ua tāmata rātou i te arata’i i te pahī ’ia tae i uta i te fenua, terā rā, e mea pūai roa te vero. I te pae hope’a, ’ua tāora rātou ia Iona i roto i te miti.

Iona 1:13–15

Hōho’a

’ua horomi’i te i’a rahi ia Iona

’Ua fa’aea te vero. Terā rā, ’ua horomi’ihia Iona e te hō’ē i’a rahi.

Iona 1:15, 17

Hōho’a

Iona i te pae tahatai

’Ua vai noa Iona i roto i te ’ōpū o te i’a e toru mahana ’e e toru pō. I te roara’a o te reira taime, ’ua pure Iona ’e ’ua tātarahapa. ’Ua hina’aro ’oia e rave i te mea ti’a ’e ’ia fa’aro’o i te parau a te Fatu. ’Ua fa’aro’o te Fatu i te mau pure a Iona ’e ’ua fa’ahepo i te i’a rahi e tūtuha ia Iona i ni’a i te fenua marō.

Iona 1:17 ; 2:1–10

Hōho’a

Iona e poro haere ra i te nuna’a

’Ua parau fa’ahou te Fatu ia Iona ’ia poro haere i te mau ta’ata nō Nineve. I reira, ’ua ha’apa’o Iona i te parau. ’Ua haere atu ’oia i Nineve ’e ’ua parau atu i te mau ta’ata ’ia tātarahapa ’aita ana’e e ha’amou te Fatu i tō rātou ’oire. ’Ua tātarahapa te ari’i ’e tōna nūna’a. ’Ua fa’a’ore te Fatu i tā rātou hapa ’e ’aita i ha’amou ia Nineve.

Iona 3

Hōho’a

e hōho’a riri tō Iona

’Ua hepohepo rā Iona i te mea ē, ’aita te mau ta’ata i ha’amouhia. ’Aita ’oia i mana’o ē, e ti’a ’ia fa’a’orehia tā rātou hara.

Iona 4:1–2

Hōho’a

Iona e hi’o ra i te tumu rā’au pohe

Nō te ha’api’i ia Iona i te hō’ē ha’api’ira’a, ’ua fa’atupu te Fatu i te hō’ē tumu rā’au ’ei ha’amarumaru ia Iona i te mahana. I muri iho, ’ua pohe te tumu rā’au, ’e ’ua ’oto a’e ra Iona nō te tumu rā’au.

Iona 4:5–9

Hōho’a

Iona e ha’api’i ra i te pupu ta’ata

’Ua ha’api’i te Fatu ia Iona i te hō’ē ha’api’ira’a nō ni’a i tāna mau tamari’i. ’Ua ha’api’i mai Iona ē, e mea ti’a iāna ’ia ’oto ’ia ’ore ana’e te nūna’a e tātarahapa ’e ’ia ’oa’oa ’ia nā reira ana’e rātou.

Iona 4:10–11