Nehemia

Patu fa’ahou i te ’āua nō Ierusalema

E ’āti Iuda ’o Nehemia e ora ra i Peresia. E tāvini ti’aturihia ’oia e te ari’i. I te hō’ē mahana ’ua fa’aro’o Nehemia ē tē mamae ra te mau ’āti Iuda i Ierusalema. ’Ua vāvahihia te mau patu tei pāruru ia Ierusalema ’e ’aita i patu-fa’ahou-hia. E fifi rahi tō Ierusalema. ’Ua ha’apae Nehemia i te mā’a ’e ’ua pure nō te tauturu a te Fatu.

Nehemia 1

Hōho’a

tē paraparau ra te ari’i ia Nehemia nō ni’a i te ’āua

’Ua ui te ari’i ia Nehemia nō te aha ’oia i ’oto roa ai. ’Ua parau ’oia i te ari’i nō te fifi i Ierusalema. ’Ua parau te ari’i ē e nehenehe ’oia ’ia tauturu atu. ’Ua ani ’o Nehemia e haere ’oia i Ierusalema nō te patu fa’ahou ā i te ’āua. ’Ua fa’ariro te ari’i ia Nehemia ’ei ti’a fa’atere ’e ’ua hōro’a iāna i te mau tauiha’a tāna e hina’aro.

Nehemia 2:2–8

Hōho’a

Tē patu ra ’o Nehemia i te ’āua, tē hi’o mai ra te mau ’enemi

’Ua ha’amata ’o Nehemia ’e te mau ’āti Iuda i te patu fa’ahou i te patu ’āua nō Ierusalema. ’Ua fa’ao’ō’o tē mau ’enemi ia rātou ’e ’ua tāmata i te tāpe’a ia rātou.

Nehemia 2:17–20

Hōho’a

te mau ta’ata e tāhitohito ra ia Nehemia

’Ua tāmata te mau ’enemi i te fa’ahema ia Nehemia ’ia fa’aru’e i te ’oire. ’Aita rā ’o Nehemia i fa’aru’e. ’Ua ti’aturi ’oia i te Fatu. E ’ohipa rahi tāna e rave ra.

Nehemia 6:2–4

Hōho’a

Tē ti’a ra ’o Nehemia i ni’a i te ’āua tei oti

’Ua parau Nehemia i tōna nūna’a ’eiaha e mata’u. ’Ua tu’u rātou i te mau tīa’i i te mau patu ra nō te pāruru i te reira. ’Ua tāmau noa te mau ’āti Iuda i te patu i te ’āua. ’Ua hōro’a te Fatu i te pūai i te ’āti Iuda, ’e ’ua fa’aoti rātou i te ’āua i roto e 52 mahana. ’Ua pāruru-fa’ahou-hia ’o Ierusalema.

Nehemia 4:6–15 ; 6:5–9, 15–16