« Elia ’e te mau tahu’a a Baala », Te mau ’ā’amu o te Faufa’a Tahito (2022)
« Elia ’e te mau tahu’a a Baala », Te mau ’ā’amu o te Faufa’a Tahito
Te mau Ari’i 1 18
Elia ’e te mau tahu’a a Baala
Te peropheta a te Fatu i mua i te mau tahu’a ha’avare
’Ua tāmau noa te bāsileia ’o ’Īserā’ela i te māuiui nō te pape ’ore. ’Ua parau te ari’i Ahaba i te mau ta’ata ’ia pe’e i te hō’ē atua ha’avare ’o Baala te i’oa.
’Ua tono te Fatu ia Elia te peropheta nō te fārerei ia Ahaba. ’Ua ani manihini Elia i te mau ta’ata ato’a i ni’a i te tupu’ai o tē hō’ē mou’a. ’Ua ani manihini ’oia i te ari’i ’e i tāna mau tahu’a i te hō’ē tītaura’a ’ia hi’o ē, ’o te Fatu ’aore rā, ’o Baala ānei te Atua mau.
’Ua fa’ata’a atu Elia i te tītaura’a. E fa’atusia ’oia ’e te mau tahu’a i te hō’ē pua’atoro oni i ni’a i te hō’ē fata, e’ita rā rātou iho e tahu i te hō’ē auahi. Terā rā, e pure te mau tahu’a ia Baala nō te fa’a’ama i te hō’ē auahi. I muri iho, e pure atu Elia i te Fatu nō te fa’a’ama i te hō’ē auahi. ’Ua ’ite Elia ē, ’o te Atua mau ana’e o te fa’a’ama i te auahi.
’Ua pure te mau tahu’a a Baala i tō rātou atua mai te po’ipo’i ē tae atu i te avatea, ’aita roa rā e ’ohipa i tupu. ’Ua hō’ata atu Elia ia rātou ma te parau ē, tē ta’oto ra paha tō rātou atua ’o Baala.
’Ua ’iriā te mau tahu’a, ’ua ’ōu’a i ni’a i te fata, ’e ’ua tuō atu i roto i te pō. ’Ua ti’aturi rātou e pāhono mai tō rātou atua, ’aita rā hō’ē noa a’e auahi.
I muri iho, tei te taime o Elia. ’Ua patu ’oia i te hō’ē fata i te Fatu, ’ua heru i te hō’ē ’āpo’o ’ati a’e i te fata, ’e ’ua fa’aineine i te tusia.
’Ua ani Elia i te mau ta’ata ’ia fa’a’ī e maha pāero pape nō te māni’i i ni’a i te rā’au o tāna fata e toru taime. ’Ua puru roa te rā’au ’e te fata i te pape. ’Ua ’ī roa te ’āpo’o i heruhia i te pape.
’Ua pure Elia i te Fatu nō te fa’a’ite i te mana mau o te Atua. ’Ua pou mai te auahi a te Fatu ’e ’ua fa’a’ama i te tusia, te rā’au, te mau ’ōfa’i, ’e te pape. ’Ua ’ite te mau ta’ata ē e Atua mau te Atua o Elia. ’Ua pure Elia ’ia fa’aea te pa’urā, ’e ’ua hōro’a mai te Fatu i te ua.