Elisaia te peropheta

Te mau temeio a te Fatu

Nā roto i te peropheta Elia, ’ua fa’aineine te Fatu ia Elisaia nō te riro mai ’ei peropheta i muri iho. I muri iho, ’ua ’āfai te Fatu ia Elia i te ra’i.

Te mau Ari’i 2 2:1–15

’Ua tauturu te Fatu ia Elisaia ’ia rave i te mau temeio e rave rahi. I te hō’ē taime, ’ua ha’amaita’i Elisaia i te hinu a te hō’ē vahine veve nō te fa’a’ī i te mau hue e rave rahi. I muri iho, ’ua ho’o te vahine i te hinu nō te ’aufau i tāna mau tārahu.

Te mau Ari’i 2 4:1–7

I te tahi atu taime, ’ua tāvini te hō’ē vahine ha’apa’o maita’i ia Elisaia ’e ’ua hāmani-maita’i ’oia iāna. ’Ua ani Elisaia iāna e aha tāna e nehenehe e rave nō te tāvini iāna. ’Ua tīa’i noa ’oia i te hō’ē tamari’i. ’Ua ha’amaita’i Elisaia iāna ’e i tāna tāne fa’aipoipo ’ia fānau i te hō’ē tamaiti.

Te mau Ari’i 2 4:8–17

Terā rā, i muri a’e te tahi tau matahiti, ’ua ma’ihia te tamaiti ’e ’ua pohe. ’Ua haere te vahine e ’imi ia Elisaia nō te mea, e fa’aro’o tōna, e nehenehe Elisaia e fa’aora i tāna tamaiti. ’Ua haere mai Elisaia ’e ’ua ha’amaita’i i te tamaiti, ’e ’ua ora fa’ahou mai ’oia. ’Ua tauturu te Fatu ia Elisaia ’ia rave i te mau temeio e rave rahi. ’Ua riro ’oia ’ei peropheta rahi nā te Fatu.

Te mau Ari’i 2 4:18–37 