« Te taure’are’a Davida », Te mau ’ā’amu o te Faufa’a Tahito (2022)
« Te taure’are’a Davida », Te mau ’ā’amu o te Faufa’a Tahito
Te taure’are’a Davida
E tamāroa tīa’i māmoe tei pi’ihia ’ia riro mai ’ei ari’i
’Ua tono te Fatu i te peropheta Samuela nō te ’imi i te hō’ē ari’i ’āpī. ’O Saula, te ari’i i taua taime ra, ’aore ’oia e pe’e fa’ahou ra i te Fatu. ’Ua parau te Fatu ia Samuela ’ia rātere i Betelehema ’e ’ia ’imi i te hō’ē ta’ata ’o Iese te i’oa. Te ari’i ’āpī nō roto mai ïa i te mau tamaiti a Iese.
E mea rahi ’e te puai te mau tamaiti pa’ari a Iese. ’Ua parau rā te Fatu ia Samuela ’eiaha e hi’o ia rātou nā ni’a i tō rātou huru hi’ora’a.
’Ua ani Samuela ia Iese ē ’aita ānei tāna e tamaiti ’ē atu. ’Ua parau Iese ’o tāna tamāroa ’āpī, ’o Davida, tē tīa’i ra i te māmoe. ’Ua arata’ihia ’o Davida ia Samuela ra.
E mea na’ina’i a’e ’o Davida i tōna mau taea’e ’e e tamaiti tīa’i māmoe noa ’oia. ’Aita rā te Fatu i ha’apa’o i te huru o Davida. ’Ua ’ite te Fatu ē ’ua ’ī te ’ā’au o Davida i te fa’aro’o. ’Ua parau ’oia ia Samuela ē e riro Davida ’ei ari’i. ’Ua ha’amaita’i Samuela ia Davida. ’Ua fa’aineine te Vārua o te Fatu ia Davida ’ia riro ’ei ari’i.