« Daniela ’e te ’āpo’o o te mau liona », Te mau ’ā’amu o te Faufa’a Tahito (2022)
« Daniela ’e te ’āpo’o o te mau liona », Te mau ’ā’amu o te Faufa’a Tahito
Daniela 6
Daniela ’e te ’āpo’o o te mau liona
Te itoito o te hō’ē ta’ata ’ia pure
’Ua riro mai Dariu ’ei ti’a fa’atere i ni’a ia Babulonia. ’Ua here ’oia ia Daniela ’e ’ua hina’aro ’ia fa’ariro iāna ’ei fa’atere nō te bāsileia tā’āto’a. ’Ua pohehae te tahi o te mau ta’ata pa’ari o te ari’i.
’Ua ’ite te mau ta’ata pa’ari ē, tē pure nei Daniela i te Atua, nō reira, ’ua tītau rātou i te ari’i ’ia ha’amau i te hō’ē ture ’āpī. Te ta’ata e pure i te Atua, e hurihia ïa i roto i te ’āpo’o o te mau liona.
Noa atu ā te reira, ’ua mā’iti Daniela e pure i te Atua. ’Ua ’ite te mau ta’ata pa’ari ia Daniela i te purera’a ’e ’ua parau i te ari’i ē, ’ua ’ōfati Daniela i te ture. ’Ua ’ite a’era te ari’i ē, ’ua ha’avare tōna mau ta’ata pa’ari iāna. ’Ua tāmata ’oia i te ’imi i te hō’ē rāve’a nō te fa’aora ia Daniela, ’ua tītauhia rā i te ari’i ’ia pe’e i tāna iho ture.
’Ua hurihia Daniela i roto i te ’āpo’o o te mau liona. ’Ua pārahi ara noa te ari’i i te pō tā’āto’a, ma te ha’apae i te mā’a ’ia pāruruhia Daniela.
I te po’ipo’i roa o te mahana i muri a’e, ’ua horo atu ra te ari’i i te ’āpo’o o te mau liona. ’Ua pi’i ihora ’oia ia Daniela nō te hi’o ē, tē ora noa ra rā ’ānei ’oia. ’Ua pāhono mai Daniela ! ’Ua parau ’oia i te ari’i ’ē, ’ua tono mai te Atua i te hō’ē melahi nō te tāpiri i te vaha o te mau liona. ’Aita te mau liona i ha’amāuiui iāna.
’Ua ’oa’oa te ari’i i te mea ē, ’ua fa’aorahia Daniela. ’Ua fa’aūtu’a ’oia i taua mau ta’ata pa’ari ra ’o tei ha’avare iāna, ’e ’ua fa’a’ore ’oia i te ture. ’Ua ha’api’i ’oia i tōna bāsileia nō ni’a i te mana ’e te maita’i o te Atua.