Genese 6–9 ; Mose 8

Noa ’e tōna ’utuāfare

Hō’ē pahī, Hō’ē tīruvi, ’e te mau parau fafau a te Fatu

Noa e hi’o nei i te mau ta’ata

’Ua ha’apa’o Noa ’e tōna ’utuāfare i te parau a te Fatu. E mea ’ino roa te tahi atu mau ta’ata ato’a. ’Ua parau te Fatu ia Noa e tāpo’i te hō’ē tīruvi i te fenua, mai te mea ’aita te ta’ata i tātarahapa.

Genese 6:5–13 ; Mose 8:13–17

Noa e ha’api’i ra i te nūna’a

’Ua ha’api’i Noa i te nūna’a ē, ’ua here te Fatu ia rātou ’e ’ua hina’aro ’oia ia rātou ’ia tātarahapa ’e ’ia roa’a te fa’aro’o ia Iesu Mesia. ’Aita rātou i fa’aro’o.

Mose 8:19–30

Noa ’e tōna ’utuāfare e hāmani ra i te arata

’Ua ’oto Noa ē, ’aita te nūna’a i tātarapaha. ’Ua parau te Fatu ia Noa ’ia hāmani i te hō’ē pahī ’ā’ano tei pi’ihia te hō’ē arata. ’E pāruru te arata i te ’utuāfare o Noa i te taime o te tīruvi.

Genese 6:14–18 ; Mose 8:25

te mau ’ānimara e haere ra nā roto i te arata

’Ua ’āfa’i te ’utuāfare o Noa i te mā’a i roto i te arata. ’Ua tono te Fatu e piti a’e ’ānimara nō te mau huru ’ānimara tāta’itahi ato’a ia Noa ra. ’Ua haere atu te mau ānimara i roto i te arata, ’e e hitu mahana i muri mai ’ua ha’amata te ua i te topa.

Genese 6:18–22 ; 7:1–9

tē pāinu ra te arata i ni’a i te moana

Mai tā te Fatu i fa’aara, ’ua topa te ua e 40 mahana ’e e 40 pō. ’Ua tāpo’i te tīruvi i te fenua.

Genese 7:6–23

Noa ’e te ’utuāfare.

’Ua pāinu noa te ’utuāfare o Noa ’e te mau ’ānimara ato’a i roto i te arata nā ni’a i te pape ma te pāruruhia.

Genese 7:24 ; 8:1–3

Noa, te ’utuāfare ’e te mau ’ānimara i ni’a i te fenua

’Ia hope te tīruvi, ’ua tau te arata i ni’a i te repo marō. ’Ua patu Noa ’e tōna ’utuāfare i te hō’ē fata nō te ha’amori i te Fatu ’e nō te ha’amāuruuru iāna nō te pārurura’a ia rātou. ’Ua fafau te Fatu e’ita roa ’oia e tīruvi fa’ahou i te fenua. ’Ua tono mai ’oia i te hō’ē ānuanua ’ei fa’aha’amana’ora’a i fāna fafaura’a.

Genese 8:13–22 ; 9:8–17