« Enoha te peropheta », Te mau ’ā’amu o te Faufa’a Tahito (2022)
« Enoha te peropheta », Te mau ’ā’amu o te Faufa’a Tahito
Genese 5 ; Mose 6-7
Enoha te peropheta
Nāhea te fa’aro’o i te Fatu i te fa’aora i te hō’ē ’oire
’Ua ani te Fatu ’o Iesu Mesia ia Enoha ’ia parau i te ta’ata ’ia tātarahapa. Terā rā, ’ua mana’o Enoha e’ita tāna e nehenehe e paraparau maita’i. ’Ua mata’u ’oia ē, e’ita te mau ta’ata e fa’aro’o iāna.
’Ua fafau te Fatu e ha’apūai ’e e pāruruhia Enoha noa atu ē, ’aita te tahi mau ta’ata e au i te mea tā Enoha e ha’api’i atu.
’Ua hōro’a te fafaura’a a te Fatu i te itoito ia Enoha. ’Ua ha’apa’o Enoha i te parau a te Fatu ’e ’ua ha’api’i i te ta’ata ma te mana. ’Ua ha’api’i ’oia nō ni’a Iesu Mesia, te tātarahapa, te bāpetizora’a, ’e te Vārua Maita’i. ’Ua ti’aturi te tahi mau ta’ata ia Enoha ’e ’ua hina’aro i te pe’e i te Fatu.
E mana tō Enoha nō ’ō mai i te Atua ra nō te bāpetizo. Te mau ta’ata ato’a tei ti’aturi ia Enoha ’ua bāpetizohia ’e ’ua ha’afātata atu rātou i te Fatu. ’Aita e ta’ata veve, nō te mea ’ua ha’apa’o rātou i te tahi ’e te tahi. ’Ua pi’ihia rātou ’o Ziona, nō te mea ’ua ora ’āmui rātou i roto i te here ’e te parauti’a.
I te hō’ē mahana, ’ua fa’a’ite te Fatu ia Enoha i te hō’ē ’ōrama nō te mau mea ato’a e tupu i ni’a i te fenua nei. ’Ua ’ite Enoha i te orara’a, te pohera’a ’e te ti’afa’ahoura’a ’o Iesu Mesia. ’Ua ha’api’i mai Enoha ē, i te mau mahana hope’a nei, e fa’aho’i-fa’ahou-hia mai te ’evanelia. ’Ua ’ite ato’a ’oia i te tae-piti-ra’a mai ’o Iesu.
I te pae hope’a, ’ua ti’aturi te mau ta’ata ato’a nō te ’oire o Ziona ia Enoha ’e ’ua tātarahapa. Nō te mea ’ua ha’apa’o rātou i te tahi ’e te tahi ’e ’ua ora i roto i te hau, ’ua rave te Fatu ia rātou nō te ora i pīhai iho iāna.