« Te ’āti ’Īserā’ela i roto i te mēdēbara », Te mau ’ā’amu o te Faufa’a Tahito (2022)
« Te ’āti ’Īserā’ela i roto i te mēdēbara », Te mau ’ā’amu o te Faufa’a Tahito
Te ’āti ’Īserā’ela i roto i te mēdēbara
Ha’api’i ’ia tūru’i i ni’a i te Fatu
I muri noa iho i tō te ’āti ’Īserā’ela fa’aru’era’a ia ’Aiphiti, ’ua amuamu rātou nō te nava’i ’ore o tā rātou mā’a. ’Ua parau rātou ē e mea maita’i a’e nō rātou ’ia riro ’ei tītī i ’Aiphiti i te pohera’a i te po’ia i roto i te mēdēbara.
Nō te ha’api’i i te ’āti ’Īserā’ela ’ia ti’aturi iāna, ’ua tu’u mai te Fatu i te faraoa nō te ra’i mai nō rātou ’e ’ia ’ohi rātou i te reira i te mau mahana ato’a. ’Ua pi’i rātou i te faraoa e māna. E au te reira mai te meri. ’Aita te Fatu i tu’u mai i te māna i te Sābati, te hitu o te mahana nō te hepetoma. Nō reira, i te ono o te mahana, ’ua parau ’oia ia rātou ’ia ’ohi i te māna nō nā mahana e piti.
I te hō’ē taime, ’ua tono ato’a mai te Fatu i te salu nā te ’āti ’Īserā’ela ’ei ’īna’i nā rātou. I te po’ipo’i ’ua ’ohi rātou i te māna, ’e i te pō ’ua ha’aputuputu mai rātou i te salu. ’Ua hina’aro te Fatu ’ia ha’api’i te ’āti ’Īserā’ela i te ti’aturi iāna. Nā roto i te reira, ’ua ha’apa’o ’oia ia rātou i roto i te mēdēbara.