« Tē paraparau nei te Fatu ia Elia », Te mau ’ā’amu o te Faufa’a Tahito (2022)
« Tē paraparau nei te Fatu ia Elia », Te mau ’ā’amu o te Faufa’a Tahito
Tē paraparau nei te Fatu ia Elia
Fa’aro’o i te reo o te Fatu
’Ua parau te ari’i Ahaba i te ari’i vahine Iezebela ē ’ua tā’iri te Fatu i te mau peropheta nō Baala. ’Ua riri ’o Iezebela ’e ’ua parau ’oia ē e taparahi pohe ’oia i te peropheta Elia.
Nō te pāruru iāna, ’ua fa’aru’e ’o Elia i te fenua nō ’Īserā’ela. ’Ua rātere ’oia e 40 mahana ’e e 40 pō ma te ha’apae i te mā’a. I muri iho ’ua haere mai ’oia i te mou’a ra nō Sinai ’e ’ua ’itehia mai iāna te hō’ē ana nō te tāpuni iāna. ’Ua parau te Fatu ia Elia ’ia haere i ni’a i te tupua’i mou’a ’ia nehenehe iāna ’ia paraparau ia Elia.
Tae mai nei te mata’i pūai ’e ’ua vāvāhi i te mau ’ōfa’i ’ati a’e te ana. I muri a’e i te reira, ’ua tupu te ’āueuera’a fenua. I muri iho ’ua ha’amata te auahi. ’Ua fa’aro’o ’o Elia i te ta’i pūai o te mata’i, te ’āueuera’a fenua ’e te auahi. ’Aita rā te reo o te Fatu i roto i taua mau māniania ’ū’ana ra.
I muri iho ’ua fa’aro’o ’o Elia i te hō’ē reo iti ha’iha’i ’e te marū. ’Ua ’ite ’oia ē ’o te Fatu te reira. ’Ua ani te Fatu ia Elia tē aha ra ’oia i reira.
’Ua parau ’o Elia ē tē tāpuni ra ’oia nō te pāruru iāna. ’Ua taparahi-pohe-hia te mau peropheta ato’a, ’e ’ua fa’aru’e te nūnaa i te Fatu.
’Ua tāmāhanahana te Fatu ia Elia ma te parau iāna ē e rave rahi ’āti ’Īserā’ela e ha’amori noa ra i te Fatu. ’Ua parau te Fatu ia Elia ’ia ho’i i te fare ’e ’ia fa’aineine i te tahi atu peropheta. ’O Elisaia te i’oa o teie peropheta ’āpī.