Ieremia te peropheta

Pi’ihia hou tōna fānaura’a

’Ua ora ’o Ieremia i Ierusalema i tōna ’āpīra’a. I te hō’ē mahana ’ua haere mai te Fatu ia Ieremia ra ’e ’ua pi’i iāna ’ia riro ’ei peropheta. ’Ua parau te Fatu ia Ieremia ē, ’ua mā’itihia ’oia ’ia riro ’ei peropheta hou ’oia ’a fānauhia mai ai. ’Ua ’ite te Fatu ē, e riro te orara’a o Ieremia ’ei orara’a fifi. ’Ua fafau rā ’oia ia Ieremia ē, e vai noa ’oia i pīha’i iho iāna.

Ieremia 1:1–10

Hōho’a

Ieremia e fa’aara ra i te nuna’a

’Aita te nuna’a nō Ierusalema i tāpe’a i tā rātou mau fafaura’a i te Fatu. Nō tō rātou ’ino, ’ua fa’aara Ieremia i te nuna’a ē, e pau rātou. ’Ua parau te Fatu ē, mai te mea e ha’amo’a rātou i te mahana sābati, e’ita ïa te ’oire nō Ierusalema e ha’amouhia. ’Aita rā te nuna’a i fa’aro’o.

Ieremia 6:1–19 ; 8–9 ; 17:21–27

Hōho’a

Ieremia i roto i te fare ’āuri

’Ua ha’api’i Ieremia i te nuna’a e rave rahi matahiti. ’Aita rā rātou i tātarahapa. Maori ra, ’ua ha’amauiui rātou ia Ieremia ’e ’ua huri iāna i roto i te fare tāpe’ara’a.

Ieremia 20:2 ; 26:8–9 ; 37:15–18 ; 38:6

Hōho’a

Ieremia e hi’o ra ia Ierusalema i te ha’amoura’ahia

’Ua here Ieremia i te nūna’a. ’Ua ta’i ’oia nō tā rātou mau hara. Mai tāna i parau, ’ua ha’amouhia Ierusalema, ’e ’ua haruhia te nūna’a.

Ieremia 9:1–8 ; 25:9–12 ; 52:1–10

Hōho’a

Ieremia e pāpa’i ra i te mau parau tohu

’Ua ’āfa’ihia Ieremia i Aiphiti. ’Ua parau te Fatu iāna ’ia pāpa’i i tāna mau parau tohu. ’Ua ha’apa’o Ieremia i te parau a te Fatu noa atu te mau tāfifira’a ’ū’ana. ’Ua tāmau noa ’oia i te parau i tōna nūna’a ’ia tāpe’a i tā rātou mau fafaura’a ’e te Fatu.

Ieremia 36:1–2, 27–32