Te mau Ari’i 2 6

Elisaia ’e te nu’u a te Fatu

Te mau pere’o’o pua’ahorofenua auahi a te Fatu

’Aita te mau ta’ata nō Arama e au i te ’āti ’Īserā’ela. ’Ua tono atu te ari’i nō Arama i tōna nu’u nō te haru mai ia Elisaia te peropheta. I te pō, ’ua hā’ati te nu’u i te ’oire tei reira ’o Elisaia.

Te mau Ari’i 2 6:8–14

’Ua ara te tāvini taure’are’a ’o Elisaia ’e ’ua ’ite i te nu’u nō Arama. ’Ua ui atu ’oia ia Elisaia e aha tā rātou e rave. ’Ua parau Elisaia i te taure’are’a ’eiaha e mata’u. ’Ua parau ’oia ē, e mea rahi a’e te nu’u e ’aro ra nō rātou i te nu’u e ’aro ra ia rātou.

Te mau Ari’i 2 6:15–16

’Ua ani Elisaia i te Fatu ’ia fa’a’ite i te taure’are’a i te mea tā Elisaia e ’ite ra. ’Ua fa’a’ite te Fatu iāna i te hō’ē nu’u nō te ra’i ma te mau pua’ahorofenua ’e te mau pere’o’o pua’ahorofenua auahi nō te pāruru ia rātou. ’Ua ha’amatapōhia te nu’u nō Arama e te mana o te Atua. ’Aita rātou i ’aro fa’ahou i tō ’Īserā’ela.

Te mau Ari’i 2 6:17–23