Samuela te peropheta

Hō’ē tamaiti tei pi’ihia e te Fatu.

Nō te hō’ē tau roa, ’aita tō te ’āti ’Īserā’ela e hō’ē peropheta a te Fatu nō te arata’i ia rātou. Nō te reira, ’ua fa’atere mai te mau ha’avā ia ’Īserā’ela e rave rahi matahiti. I roto i taua taime ra, ’ua hōpoi Hana i tāna tamaiti ’āpī ’o Samuela ’ia ora i pīha’i iho ia Eli, te tahu’a ’e te ha’avā o ’Īserā’ela. ’Ua tauturu Samuela ia Eli i roto i te hiero.

1 Samuela 2:11, 18, 26 ; 3:1

Hōho’a

’Ua ’eiā te mau tamaiti a Eli i te mau tauiha’a

’Ua tāvini ato’a nā tamāroa e piti a Eli i roto i te hiero, ’ua ’eiā rā rāua i te mau ō i fa’ata’ahia nō te Fatu. ’Ua fa’a’ite atu te tahi mau ta’ata ia Eli, ’aita rā Eli i fa’autu’a ia rāua.

1 Samuela 2:12–17, 22– 3

Hōho’a

Samuela

I te hō’ē pō, ’ua fa’aro’o Samuela i te hō’ē reo e pi’i ra iāna. ’Ua mana’o ’oia ē, ’o Eli, nō reira ’ua haere atu ’o Samuela iāna ra. ’Aita rā Eli i pi’i iāna. ’Ua parau Eli ia Samuela e ho’i i ni’a i te ro’i.

1 Samuela 3:3-5

Hōho’a

Samuela e paraparau ra ia Eli

’Ua fa’aro’o Samuela i te reo i te pi’ira’a iāna i te piti o te taime. ’Ua haere atu ’oia ia Eli ra ’e ’ua ani i te mea tāna i hina’aro. ’Aita rā Eli i pi’i iāna. ’Ua parau Eli ia Samuela e haere i ni’a i te ro’i.

1 Samuela 3:6

Hōho’a

Eli e paraparau ra ia Samuela

’Ua fa’aro’o Samuela i te reo i te pi’ira’a iāna i te toru o te taime. ’Ua haere atu ’oia ia Eli ra ’e ’ua ui atu e aha tāna i hina’aro. I taua taime ra, ’ua ’ite Eli ē, ’o te Fatu tei paraparau mai ia Samuela. ’Ua parau Eli ia Samuela ’ia ho’i i ni’a i te ro’i. ’Ua parau Eli ē, mai te mea e pi’i fa’ahou mai te Fatu, e ti’a ia Samuela ’ia fa’aro’o.

1 Samuela 3:8–9

Hōho’a

Samuela e paraparau ra i te Atua

’Ua fa’aro’o a’e ra Samuela i te reo i te pi’i-fa’ahou-ra’a iāna. I te reira taime, ’ua ani Samuela i te Fatu ’ia paraparau mai ’e ’ua parau ē, e fa’aro’o ’oia. ’Ua parau te Fatu ia Samuela ē, e mea hape nō Eli ’ia vaiiho i tāna mau tamaiti ’ino ’ia tāvini i roto i te hiero. E’ita te ’utuāfare o Eli e fa’ati’a-fa’ahou-hia ’ia tāvini i reira.

1 Samuela 3:10-14

Hōho’a

Samuela ’e ’o Eli e paraparau ra

I te mahana i muri iho, ’ua ui Eli ia Samuela i te mea tā te Fatu i parau. ’Ua parau Samuela iāna. ’Ua ’ite Eli ē, e paraparau te Fatu nā roto ia Samuela.

1 Samuela 3:15–18

Hōho’a

Samuela e hi’o ra i te mau ta’ata

’Ua haere atu te mau parau nā roto i te fenua nō ’Īserā’ela. ’Ua ’ite te ta’ata ē, ’ua mā’iti te Fatu ia Samuela ’ia riro ’ei peropheta nōna.

1 Samuela 3:19–20