« Daniela ’e tōna mau hoa », Te mau ’ā’amu o te Faufa’a Tahito (2022)
« Daniela ’e tōna mau hoa », Te mau ’ā’amu o te Faufa’a Tahito
Daniela 1
Daniela ’e tōna mau hoa
Te pāto’ira’a i te ’amu i te mā’a a te ari’i
’Ua upo’oti’a te bāsileia ’o Babulonia i tō Ierusalema. ’Ua ’īriti mai rātou i te tahi mau taure’are’a tamāroa māramarama ’e te pūai nā roto mai i tō rātou mau ’utuāfare i Ierusalema ’e ’ua fa’aho’i atu ia rātou i Babulonia nō te tāvini i te ari’i.
Daniela ’e tōna mau hoa te tahi o te mau taure’are’a tamāroa. ’Ua mā’itihia rātou nō te tāvini i roto i te ’āua o te ari’i, ’e ’ia riro mai rātou ’ei mau ta’ata pa’ari nāna.
’Ua hōro’a te ari’i ia Daniela ’e tōna mau hoa i te mā’a ’e te uaina. ’Aita rā rātou i ’amu i te mā’a a te ari’i ’aore rā, e inu i te uaina. E ’aro te reira i te mau fa’auera’a a te Atua.
’Ua ha’amata’u te reira i te tāvini o te ari’i nō tōna ora. ’Ua aupuru ’oia ia Daniela ’e tōna mau hoa, ’e ’ua feruri ’oia ē, mai te mea e pāto’i rātou i te mā’a a te ari’i, e riro rātou i te paruparu atu ā i te tahi atu mau taure’are’a tamāroa. E riri mai ïa te ari’i ’e e ha’apohe i te tāvini.
Terā rā, ’ua ti’aturi Daniela i te Atua ’e ’ua hinaaro e ha’apa’o i tāna mau fa’auera’a. ’Ua ani Daniela i te tāvini ’ia hōro’a i te pape ’e i te mau huero nā rātou nō nā 10 mahana ’e i muri iho ’ia fa’aau i tō rātou ea ’e te ea o te tahi atu mau taure’are’a tamāroa. ’Ua fāri’i te tāvini.
10 mahana i muri iho, mea maita’i a’e te ea ’o Daniela ’e tō tōna mau hoa i tō te tā’āto’ara’a o te feiā ’āpī tamāroa. ’Ua pe’e Daniela ’e tōna mau hoa i te mau fa’auera’a a te Atua, ’e ’ua fa’ariro te Atua ia rātou ’ei mau ta’ata pa’ari a’e i roto i te ’āua o te ari’i.