፩ እነሆ፣ በመካከላችሁ መዝገብ ይቀመጣል፤ እናም ባለራዕይ፣ ተርጓሚ፣ ነቢይ፣ የኢየሱስ ክርስቶስ ሐዋርያ፣ በእግዚአብሔር በአብ ፈቃድ እና በጌታህ በኢየሱስ ክርስቶስ ፀጋ የቤተክርስቲያኗ ሽማግሌ ተብለህ ትጠራለህ፣

፪ በመንፈስ ቅዱስ በመመራት መሰረቱን ለመጣል በመነሳሳት፣ እናም ወደተቀደሰ እምነት ትገነባው ዘንድ ተጠርተሀል

፫ ቤተክርስቲያኗ በጌታ ዓመት በአስራ ስምንት መቶ ሰላሳኛው ሚያዚያ ተብሎ በሚጠራው አራተኛው ወር በስድስተኛው ቀን ተመሰረተች።

፬ ስለዚህ፣ በፈቴ በቅድስና በመራመድ የሚቀበላቸውን ቃላቱን እና ትእዛዛቶቹን እናንት የቤተክርስቲያኗ አባላት ታደምጣላችሁ፤

፭ ቃሉን ልክ ከእኔ አንደበት እንደወጣ አድርጋችሁ ሁሉ ትዕግስት እና እምነት ትቀበላላችሁ።

፮ ምክንያቱም ይህንን ስታደርጉ የሲዖል ደጆችም አያሸንፏችሁም፤ አዎን እናም ጌታ አምላክ የጭለማን ኃይል ከላያችሁ ላይ ይገፋል እናም ለእናንተ ጥቅም እና ለስሙ ክብር ሰማያት እንዲንቀጠቀጡ ያደርጋል።

፯ ጌታ አምላክ እንዲህ ይላል፥ ለአንዴ እና ለመጨረሻ የፅዮንን መሰረት ለማስፋት በታላቅ ኃይል አነሳስቼዋለሁ፣ እናም ትጋቱን አውቃለሁ፣ እንዲሁም ጸሎቱን ሰምቻለሁ።

፰ ለፅዮን የሚያለቅሰውን ልቅሶ ተመልክቼአለሁ፣ እናም ለእርሷ ካሁን በኋላ እንዳያዝን አደርገዋለሁ፣ ለኃጢአቱ ስርየት የሚደሰትበት እና በረከቴ በስራው ላይ የሚገለጥበት ቀን መጥቷል።

፱ ስለሆነም፣ እነሆ፣ በወይኑ ስፍራዬ የሚሰሩትን በታላቅ በረከት እባርካቸዋለሁ፣ እና እነርሱም በኃጢአተኛ ሰዎች ኢየሱስ ክርስቶስ ለአለም ኃጢአት፣ አዎን፣ ኃጢአት ስርየት ልባቸውን ለሚያዋርዱ እንደተሰቀለ በእኔ በኩል በአጽናኙ በሚሰጡት ቃሉ ያምኑታል።

፲ ስለዚህ በአንተ በሐዋሪያዬ በኦሊቨር ካውድሪ እንዲሾም ፍቃዴ ነው፤

፲፩ በ እሱ እጅ ሽማግሌ ስለሆንክ እርሱ ለአንተ የመጀመሪያ ስለሆነ ስሜን በመሸከም ለዚህች የክርስቶስ ቤተክርስቲያን ሽማግሌ ትሆን ዘንድ ይህ ለአንተ ስርዐት ነው።

፲፪ እናም ለቤተክርስቲያኗ ለዚህ ቤተክርስቲያን፣ እናም በአለም ፊት፣ አዎን፣ በአህዛብ ፊት፤ የመጀመሪያ ሰባኪ ትሆን ዘንድ፤ አዎን፣ ለአይሁድም እንዲሁ ሰባኪ ትሆናለህ ይላል ጌታ እግዚአብሔር። አሜን።