“Pasanin Ninyo ang Aking Pamatok at Mag-aral Kayo sa Akin”

Mateo 11:28–30; 12:1–13; Lucas 7:36–50; 13:10–17

Layunin

Tulungan ang mga miyembro ng klase na maunawaan na sa pagpasan natin ng pamatok ng Tagapagligtas at paggawa sa kanyang kalooban, tayo ay makasusumpong ng kapayapaan at kagalakan na ipinangako niya.

Paghahanda

Basahin, pagnilay-nilayin, at ipanalangin ang sumusunod na mga banal na kasulatan:
1. Mateo 11:28–30. Inaanyayahan ni Jesus ang lahat ng napapagal at nabibigatan sa kanilang pasanin na lumapit sa kanya, pasanin ang kanyang pamatok, at mag-aral sa kanya.
2. Mateo 12:1–13; Lucas 13:10–17. Ipinahayag ni Jesus na siya ang Panginoon ng Sabbath. Nagpapagaling siya sa Sabbath at binatikos dahil dito.
3. Lucas 7:36–50. Isang babaing naghahangad ng kapatawaran ang naghugas sa mga paa ng Panginoon sa pamamagitan ng kanyang mga luha; binatikos ni Simon na Fariseo si Jesus sa pagpayag na mahawakan Siya ng babaing makasalanan. Itinuro ni Jesus kay Simon ang talinghaga ng dalawang taong may utang at pinatawad ang babae.
Karagdagang pagbabasa: Isaias 58:13–14; Mateo 11:16–19; 12:14–50; 26:6–13; Marcos 2:23–3:12; 14:3–9; Lucas 6:1–11; Doktrina at mga Tipan 59:9–19.
Kung makukuha ang sumusunod na mga materyal, gamitin ang mga ito sa aralin:
1. “Come Unto Me,” isang pitong minutong yugto mula sa New Testament Video Presentations (53914).
2. Ang larawang Mary Fielding Smith and Joseph F. Smith Crossing the Plains (62608; Gospel Art Picture Kit 412), na nagpapakita ng pares ng dalawang baka na nakapamatok.
Mungkahi sa pagtuturo: Habang inihahanda ninyo ang bawat aralin, isaalangalang nang may panalangin kung paano hihikayatin ang bawat miyembro ng klase na makilahok. Ang mga palabas, maliliit na grupong talakayan, pagsasadula, at iba pang naaangkop na mga gawain ay makatutulong sa mga miyembro ng klase na aktibong makisali. (Tingnan sa Pagtuturo—Walang Higit na Dakilang Tungkulin, Yunit F, Paksa 9, “Maliliit na Grupong Talakayan [Buzz Sessions],” 164–165; Yunit F, Paksa 11, “Pagtatanghal,” 168–169; Yunit F, Paksa 16, “Pagsasadula at Pagsasadrama,” 178–180; Yunit F, Paksa 17, “Mga Larong Nagtuturo,” 181–183.)

Mungkahing Pagbubuo ng Aralin

Gawaing Pantawag-pansin

Kung naaangkop, gamitin ang sumusunod na gawain o ang sariling gawa ninyo upang simulan ang aralin.

Hilingan ang isang miyembro ng klase na magpunta sa harapan ng klase at itaas ang kanyang mga kamay. Maglagay ng ilang aklat o iba pang mabibigat na bagay sa mga kamay ng taong ito. Patuloy na lagyan ng mga bagay ang mga kamay ng miyembro hanggang sa mabigatan na siya. Pagkatapos ay itanong:

Gawaing Pantawag-pansin

Gaano katagal mo makakayanan ang dalahin na ito bago ka magpahinga? Ano ang mga dapat mong ilagay sa ayos upang mabuhat mo ang pasaning ito sa malayo?

Ipaliwanag na maraming uri ng pasanin, o dalahin. Ang ilan ay pisikal, samantalang ang iba naman ay espirituwal o emosyonal at hindi madaling makita. Marami sa mga hindi nakikitang pasanin ang higit pa sa makakaya nating dalhin nang mag-isa, at tayo ay napapagod. Tinatalakay sa araling ito kung paano mapagagaan ng Panginoon ang ating mga pasanin at kung paano tayo mabibigyan ng kapahingahan.

Talakayan at Pagsasagawa ng Banal na Kasulatan

Habang itinuturo ninyo ang sumusunod na mga talata ng banal na kasulatan, talakayin kung paano naaangkop ang mga ito sa pang-araw-araw na buhay. Himukin ang mga miyembro ng klase na magbahagi ng mga karanasan na may kaugnayan sa mga alituntunin ng banal na kasulatan.

1. Inaanyayahan tayo ni Jesus na pasanin ang kanyang pamatok, at magaral sa kanya.

Basahin at talakayin ang Mateo 11:28–30.

Ano ang ibig sabihin ng “nangapapagal at nangabibigatang lubha”? (Mateo 11:28). Ano ang ilang halimbawa ng mga pasanin na tinitiis natin sa buhay na ito? Paano “[tayo] mabibigyan ng kapahingahan” ng Panginoon mula sa pasaning ito?
Ano ang pamatok? (Ipakita ang larawan nina Mary Fielding at ni Joseph F.Smith at ituro ang mga bakang may pamatok na nasa larawan. Ipaliwanag na ang pamatok ay isang kahoy na inilalagay sa dalawang tao o mga hayop na humihila o nagdadala ng mabibigat na pasanin. Binabalanse ng pamatok ang pasanin at nagiging madali ang paghila o pagbuhat nito. Bilang karagdagan sa literal na kahulugan nito, ang konsepto ng isang pamatok ay makikita rin sa maraming banal na kasulatan bilang metapora (metaphor) ng pagkaalipin o pagkabusabos; tingnan sa Jeremias 28:2; Alma 44:2.) Ano ang ibig sabihin ng pasanin natin ang pamatok ni Cristo? (Buong pagpapakumbabang gawin ang kanyang kalooban at pahintulutan siyang gabayan tayo at pangasiwaan ang ating buhay.)

Kung gagamitin ninyo ang palabas sa video na “Come Unto Me,” ipakita na ngayon ang unang bahagi nito. Itigil ang video kapag natapos na sa pagsasalita si Pangulong Howard W. Hunter.

Sinabi ng Panginoon na, “Malambot ang aking pamatok, at magaan ang aking pasan” (Mateo 11:30). Sa paanong paraan malambot ang pamatok ng Tagapagligtas? Bakit iniisip ng ilang tao na ang mga turo ng Panginoon ay masyadong mahigpit? Paano pinagagaan ang ating mga dalahin ng pagsunod at paglilingkod sa Panginoon?

2. Ipinahayag ni Jesus na siya ang Panginoon ng Sabbath.

Talakayin ang Mateo 12:1–13 at Lucas 13:10–17. Anyayahan ang mga miyembro ng klase na basahin nang malakas ang mga piling talata.

Ano ang ginawa ng mga Fariseo nang makita nila ang mga disipulo ni Jesus na namimitas ng mais sa araw ng Sabbath? (Tingnan sa Mateo 12:1–2. Ipaliwanag na ang naging pakahulugan ng mga Fariseo sa batas ni Moises ay nagwalang bahala sa tunay na diwa at layunin ng Sabbath at sa halip ay nagtuon ng pansin sa mga tradisyon na naghihigpit na mabuti sa mga gawain sa araw ng Sabbath.) Ano ang itinuro ng Panginoon sa pagtugon niya sa kanilang paratang? (Tingnan sa Mateo 12:3–8.)
Ano ang ibig sabihin ni Jesus nang sabihin niyang, “Habag ang ibig ko, at hindi hain”? (Mateo 12:7. Nais niyang ituon ng mga tao ang kanilang pansin sa pagmamahal sa iba, at hindi lamang sa pagsasagawa ng mga seremonyang nauukol sa relihiyon sa harap ng madla.) Paano natin magagamit ang alituntuning ito upang magabayan tayo sa ating mga gawain sa araw ng Sabbath?
Ano ang itinuro ni Jesus tungkol sa layunin ng Sabbath noong pagalingin niya ang lalaking tuyo ang kamay at ang babaing matagal nang maysakit? (Tingnan sa Mateo 12:10–13; Lucas 13:10–17.) Ano ang itinuro niya tungkol sa Sabbath sa Marcos 2:27–28? (Ituro na ipinaliliwanag ng Pagsasalin ni Joseph Smith ng Marcos 2:26 na ang Sabbath ay ibinigay bilang isang araw ng pamamahinga at araw upang luwalhatiin ang Diyos.) Ano ang maaari nating gawin sa araw ng Sabbath upang luwalhatiin ang Diyos? Paano makapagpapagaan sa ating mga pasanin at makapagdudulot ng kapahingahan ang pagpapanatiling banal sa araw ng Sabbath?

3. Pinatawad ni Jesus ang isang babae na nasa bahay ni Simon na Fariseo.

Kung ginagamit ninyo ang palabas sa video na “Come Unto Me,” ipalabas na ngayon ang nalalabing bahagi nito. Pagkatapos ay basahin at talakayin ang mga piling talata mula sa Lucas 7:36–50.

Pasan ng babaing pumasok sa bahay ni Simon na Fariseo ang bigat ng kasalanan (Lucas 7:37). Ano ang ginawa ng babae na naging daan upang alisin ni Jesus ang kanyang pasanin? (Tingnan sa Lucas 7:38, 44–50.) Ano ang maaari nating gawin upang alisin ng Tagapagligtas ang bigat ng kasalanan sa ating buhay?
Paano nagkaiba ang makasalanang babae at si Simon na Fariseo sa kanilang saloobin tungkol kay Jesus? (Ihambing ang pagsisisi ng babae, paggalang, kababaang-loob, at pagmamahal sa mga ugali ni Simon na kapalaluan, kakulangan ng pagpipitagan, at mapanghusgang pag-uugali. Tingnan din ang siping-banggit na nasa ibaba.) Bakit mahalaga ang mga katangiang taglay ng babae kapag nagsisisi tayo at naghahangad ng kapatawaran? Paano hahadlang sa ating pagsisisi ang mga katangiang taglay ni Simon?

Itinuro ni Elder James E. Talmage na: “Kaugalian noong mga panahong iyon na pag-ukulan ng kakaibang atensiyon ang kilalang panauhin; tanggapin siya sa pamamagitan ng isang halik ng pagbati, maglaan ng tubig para sa paghuhugas ng alikabok sa kanyang mga paa, at langis na pampahid sa kanyang buhok at balbas. Ang lahat ng mga mapitagang atensiyon na ito ay hindi ginawa ni Simon” (Jesus the Christ, ika-3 edisyon [1916], 261).
Paano parang pinabigat lalo ng pag-uugali ni Simon ang pasaning dala ng babae? Paano natin kung minsan tila pinabibigat nang husto ang dinadalang kasalanan ng isang tao? Ano ang matututuhan natin mula sa sagot ng Tagapagligtas sa babae?
Kahit na hindi siya inanyayahan at malamang na hindi pakitunguhan nang magandang ni Simon at ng kanyang sambahayan, ang babae ay kaagad na lumapit kay Cristo nang malaman niya kung saan siya matatagpuan (Lucas 7:37). Ano ang matututuhan natin mula sa kanyang halimbawa? Anong mga balakid ang maaaring humadlang sa atin sa pagsisisi at paglapit kay Cristo? Paano natin mapaglalabanan ang mga hadlang na ito?
Ano ang matututuhan natin mula sa talinghaga ng dalawang may utang? (Tingnan sa Lucas 7:41–50.) Paano maihahambing ang kasalanan sa pagkakautang? (Tingnan sa Lucas 7:44–50.) Paano makapagpapagaan sa ating mga pasanin kung si Cristo ang ating magiging “pinagkakautangan”?

Katapusan

Magpatotoo na maaari nating piliin na pasanin ang mga dalahin ng daigdig o kaya naman ay ang pamatok ni Jesus. Magpatotoo na ang mga aral ni Cristo ay totoo at makatatagpo tayo ng kapahingahan kapag sumusunod tayo sa kanya. Himukin ang mga miyembro ng klase na matuto pa ng tungkol kay Cristo at sundin ang kanyang mga aral upang makatagpo sila ng kapahingahan at kapayapaan.

Karagdagang mga Ideya sa Pagtuturo

Ang sumusunod na materyal ay mga karagdagan sa mungkahing banghay ng aralin. Maaari ninyong naising gamitin ang isa o higit pa sa mga ideyang ito bilang bahagi ng aralin.

1. Ang kahalagahan ng pagkakaisa

Basahin at talakayin ang Mateo 12:22–30.

Paano nahahati kung minsan ang ating pansin sa ating pamilya, tahanan, o purok? Ano ang maaari nating gawin upang higit tayong magkaisa?
Sinabi ni Jesus sa mga Fariseo, “Ang hindi sumasa akin ay laban sa akin” (Mateo 12:30). Bakit nga ba ganoon?

2. “Bawat salitang walang kabuluhan” (Mateo 12:36)

Basahin at talakayin ang Mateo 12:33–37.

Ano ang inihahayag ng mga salitang ating binibigkas tungkol sa ating sarili? Bakit gayon na lamang ang pagpapahalaga ni Jesus sa mga salita na ating binibigkas? Ano ang ilang halimbawa ng “salitang walang kabuluhan”? (Ang mga sagot ay maaaring kabilangan ng panunuya, tsismis, kasinungalingan, kalapastanganan, kagaspangan.) Paano natin mapalalakas ang ating pangako na magsasalita lamang sa mabuting paraan?

3. Gawaing pangkabataan

Maghanda ng isang papel para sa bawat miyembro ng klase na naglalaman ng sumusunod na palaisipan. Pagkatapos ninyong basahin at talakayin ang takdang babasahin, ipamigay ang mga kopya ng palaisipan. Hilingan ang mga miyembro ng klase na maghanap ng mga salitang may kaugnayan sa aralin na nakatago sa palaisipan. Ang mga salita ay maaaring patayo, pahalang, o pahilis. Kung kailangan ng tulong ng mga miyembro ng klase pagkaraan ng ilang minuto, ipabasang muli sa kanila ang mga talatang naglalaman ng mga nakatagong salita (Mateo 11:28–30: pasanin, nangabibigatan, pamatok; Mateo 12:1–13: Sabbath, magpagaling; Lucas 7:36–50: talinghaga, may utang, pinatawad).

Y	H	N	O	G	P	K	A	D	W	K
L	I	A	P	H	Q	L	T	E	Y	I
B	P	N	Q	P	R	M	A	F	A	O
M	A	G	P	A	G	A	L	I	N	G
O	S	A	R	M	A	N	I	H	B	A
S	A	B	B	A	T	H	N	I	D	R
N	N	I	S	T	B	P	G	J	E	S
A	I	B	T	O	D	I	H	K	F	T
R	N	I	U	K	E	N	A	L	G	U
K	J	G	W	I	F	A	G	M	H	W
B	L	A	P	X	B	T	A	B	G	A
D	K	T	A	K	G	A	O	P	J	P
E	L	A	B	L	H	W	B	Q	K	O
F	M	N	O	M	I	A	S	R	L	E
G	N	F	E	N	J	D	T	U	M	R
Z	M	A	Y	U	T	A	N	G	X	Y

Y	H	N	O	G	P	K	A	D	W	K
L	I	A	P	H	Q	L	T	E	Y	I
B	P	N	Q	P	R	M	A	F	A	O
M	A	G	P	A	G	A	L	I	N	G
O	S	A	R	M	A	N	I	H	B	A
S	A	B	B	A	T	H	N	I	D	R
N	N	I	S	T	B	P	G	J	E	S
A	I	B	T	O	D	I	H	K	F	T
R	N	I	U	K	E	N	A	L	G	U
K	J	G	W	I	F	A	G	M	H	W
B	L	A	P	X	B	T	A	B	G	A
D	K	T	A	K	G	A	O	P	J	P
E	L	A	B	L	H	W	B	Q	K	O
F	M	N	O	M	I	A	S	R	L	E
G	N	F	E	N	J	D	T	U	M	R
Z	M	A	Y	U	T	A	N	G	X	Y

Y	H	N	O	G	P	K	A	D	W	K
L	I	A	P	H	Q	L	T	E	Y	I
B	P	N	Q	P	R	M	A	F	A	O
M	A	G	P	A	G	A	L	I	N	G
O	S	A	R	M	A	N	I	H	B	A
S	A	B	B	A	T	H	N	I	D	R
N	N	I	S	T	B	P	G	J	E	S
A	I	B	T	O	D	I	H	K	F	T
R	N	I	U	K	E	N	A	L	G	U
K	J	G	W	I	F	A	G	M	H	W
B	L	A	P	X	B	T	A	B	G	A
D	K	T	A	K	G	A	O	P	J	P
E	L	A	B	L	H	W	B	Q	K	O
F	M	N	O	M	I	A	S	R	L	E
G	N	F	E	N	J	D	T	U	M	R
Z	M	A	Y	U	T	A	N	G	X	Y

Y	H	N	O	G	P	K	A	D	W	K
L	I	A	P	H	Q	L	T	E	Y	I
B	P	N	Q	P	R	M	A	F	A	O
M	A	G	P	A	G	A	L	I	N	G
O	S	A	R	M	A	N	I	H	B	A
S	A	B	B	A	T	H	N	I	D	R
N	N	I	S	T	B	P	G	J	E	S
A	I	B	T	O	D	I	H	K	F	T
R	N	I	U	K	E	N	A	L	G	U
K	J	G	W	I	F	A	G	M	H	W
B	L	A	P	X	B	T	A	B	G	A
D	K	T	A	K	G	A	O	P	J	P
E	L	A	B	L	H	W	B	Q	K	O
F	M	N	O	M	I	A	S	R	L	E
G	N	F	E	N	J	D	T	U	M	R
Z	M	A	Y	U	T	A	N	G	X	Y