Kabanata 13
Sina Joseph at Emma
(Hulyo 1830)
Sina Joseph at Emma ay nakatira sa Pennsylvania. Sila ay may maliit na sakahan. Sina Joseph at Emma ay nagmamahalan. Sila ay nagsusumikap upang matulungan ang isa’t isa.
Maraming problema sina Joseph at Emma. Mahirap lamang sila. Ibig nilang magkaroon ng mga anak. Si Emma ay nagkaroon ng sanggol na lalaki, subalit ito ay namatay. Nalungkot si Emma. Di-nagtagal ay nagkaroon din sina Joseph at Emma ng maraming anak.
Nag-alala si Joseph tungkol sa kanyang mag-anak. Ibig niyang mapangalagaan sila. Kinailangan niyang magtanim upang ang kanyang mag-anak ay magkaroon ng pagkain.
Nag-alala rin si Joseph tungkol sa Simbahan. Lumilikha ng gulo ang masasamang tao para sa mga Banal. Ang ilan sa mga pinuno ng Simbahan ay kinailangang magtago mula sa masasamang tao. Kinailangang magsumikap si Joseph sa trabaho upang matulungan ang mga Banal.
Kung minsan ay kinakailangang iwan ni Joseph ang kanyang tahanan upang matulungan ang mga Banal. Ikinalungkot ni Joseph na iwan ang kanyang mag-anak. Si Emma ay nalulungkot kapag umaalis si Joseph. Nag-aalala si Emma sa kanya.
Tinanong ni Joseph si Jesus kung ano ang dapat niyang gawin. Sinabi ni Jesus sa propetang si Joseph na huwag alalahanin ang kanyang mga suliranin. Sinabi ni Jesus sa kanya na huwag matakot sa masasamang tao. Sinabi ni Jesus na lagi niyang tutulungan si Joseph.
Sinabi ni Jesus na dapat magtanim si Joseph para sa kanyang mag-anak. Pagkatapos ay dapat siyang umalis at tumulong sa mga Banal. Sinabi ni Jesus kay Joseph na huwag mag-alala tungkol sa pagkain, damit, o pera. Bibigyan siya ng mgaBanal ng kanyang pangangailangan.
Nagbigay si Jesus ng isang paghahayag kay Joseph Smith para kay Emma. Sinabi ni Jesus na si Emma ay isang natatanging babae. Napili siya ng Panginoon para sa isang mahalagang gawain.
Sinabi ni Jesus na dapat maging mabait si Emma kay Joseph kapag siya ay may mga problema. Dapat niyang tulungan si Joseph na maging masaya at hindi mag-alala.
Sinabi ni Jesus kay Emma Smith na dapat turuan ang mga Banal. Dapat niyang tulungan na matutuhan nila ang mga banal na kasulatan. Sinabi niya na ang Espiritu Santo ang makatutulong sa kanya upang malaman kung ano ang ituturo niya.
Sinabi ni Jesus kay Emma na dapat niyang gamitin ang kanyang panahon sa pag-aaral. Dapat siyang matuto at sumulat ng maraming bagay.
Hiniling ni Jesus kay Emma na pumili ng mga awit upang awitin ng mga Banal. Ang mga awitin ay ililimbag sa isang aklat.
Ibig marinig ng Diyos ang awit ng mabubuting tao. Ang kanilang awitin ay isang panalangin sa kanya. Ang mabubuting tao na umaawit para sa Diyos ay kanyang pagpapalain.
Sinabi ni Jesus kay Emma na maging mapagpakumbaba. Sinabi niya sa kanya na mahalin ang kanyang asawa. Sinabi niya kay Emma na maging masaya dahil makatatanggap si Joseph ng maraming dakilang pagpapala.
Sinabi ni Jesus kay Emma na huwag mag-alala tungkol sa mundong ito. Dapat siyang maghanda para sa higit pang kanais-nais na daigdig sa langit. Dapat siyang maging masaya at sumunod sa mga kautusan ng Diyos. Pagkatapos ay maaari na siyang pumunta sa langit.
Sinabi ni Jesus na ang mga bagay na sinabi niya kay Emma ay nauukol sa lahat ng kababaihan.