Kabanata 32
Ang Simbahan ni Jesucristo sa Kirtland
(Marso–Hunyo 1833)
Propeta ng Simbahan ni Jesucristo si Joseph Smith. Sinabi ng Panginoon na si Joseph Smith ay dapat magkaroon ng mga tao na tutulong sa kanya. Sila ang kanyang magiging mga tagapayo. Sina Sidney Rigdon at Frederick G. Williams ay dapat maging tagapayo niya. Si Joseph Smith at ang kanyang mga tagapayo ang naging Unang Panguluhan ng Simbahan.
Sa ngayon ang buhay na propeta ang pinuno ng Simbahan. Siya at ang kanyang mgatagapayo ay tinatawag na Unang Panguluhan.
Si Joseph Smith at ang kanyang mga tagapayo ay naordenan sa isang pagpupulong sa Kirtland, Ohio. Ito ay isang banal na pagpupulong. Ang lahat ng tao sa pagpupulong ay tumanggap ng sakramento.
Lumipas ang ilang linggo, sinimulan ni Joseph Smith ang unang istaka ng Simbahan. Ang istaka ay binubuo ngmaraming miyembro ng Simbahan na naninirahan nang malapit sa isa’t isa. Ang lahat ng Banal sa Kirtland ay kabilang sa unang istaka. Sa ngayon, ang Simbahan ay mayroong maraming istaka.
Pagkatapos sinabi ni Jesus na ang mga Banal ay dapat na magtayo ng maraming gusali ng simbahan. Sila ay dapat na magtayo ng templo sa Kirtland. Sila ay kailangang magtayo ng isang lugar na pagtratrabahuan ng Unang Panguluhan. Kailangan din ng Simbahan ang isang palimbagan.
Ang mga Banal ay sumunod sa Panginoon. Sinimulan nilang itayo ang Templo sa Kirtland. Mahirap na gawain ang magtayo ng templo. Ang lahat ng Banal ay kinailangang tumulong.
Marami pang tao ang sumapi sa Simbahan. Sinabi ni Jesus kay Joseph na pumili ng karagdagan pang pinuno para samga Banal. Sinabi niya na ang ama ni Joseph ang dapat na maging Patriyarka ng Simbahan. Ang Patriyarka ang magbibigay ng mga pagbabasbas sa mga Banal. Siya ay may Pagkasaserdoteng Melquisedec.
Sinabi ni Jesus kay Joseph na pumili ng labindalawang kalalakihan na magiging matataas na tagapayo. Sila aykalalakihang may Pagkasaserdoteng Melquisedec. Sila ay tumutulong sa mga Banal na malaman kung ano ang tama at kung ano ang mali.