Kabanata 28
Ang Propetang Joseph ay Nagpuntang muli sa Missouri
(Marso–Mayo 1832)
Nagbigay si Jesus kay Joseph ng isang paghahayag. Sinabi niya na ang mga Banal ay parang kanyang maliliit na anak. Sila ay natututo pa lamang. Sinabi ni Jesus na dapat silang maging maligaya. Dapat silang maging mapagpasalamat. Siyaang magiging pinuno nila.
Ibig ni Jesus na ang mga Banal ay magbigayan sa isa’t isa. Ibig niya na pangalagaan nila ang mahihirap na tao. Ibig ni Jesus na ang mga Banal ay magtulungan.
Pagkatapos ng paghahayag si Joseph ay agad na pumuntang muli sa Missouri. Ang Missouri ay tinawag na lupain ng Sion. Ang ilan sa mga kaibigan ni Joseph ay sumama sa kanya. Ang mga Banal sa Sion ay masayang makita si Joseph.
Hiniling ni Joseph sa mga Banal na dumalo sa isang pagpupulong. Sinabi niya sa kanila ang tungkol sa paghahayag. Alam ng mga Banal na si Joseph ang propeta ng Diyos.
Sa pagpupulong ang Panginoon ay nagbigay kay Joseph ng isa pang paghahayag para sa mga Banal. Si Jesus ay maligaya na napatawad na ng mga Banal ang isa’t isa. Sinabi ni Jesus, “Ako, na Panginoon, ay nagpapatawad sa inyo.”
Nagbigay si Jesus ng isang bagong kautusan sa mga Banal. Sinabi niya na ibinigay na niya sa kanila ang lupain ng Sion. Ngayon ay dapat nilang ibahagi ang lupain sa isa’t isa. Ang bawat isa ay dapat magkaroon ng kinakailangan niya. Ito ang makatutulong sa Simbahan ni Jesucristo.
Pagkatapos ng pagpupulong, dinalaw ni Joseph ang mga Banal sa maraming bayan. Masaya ang mga Banal na makita siya. Iyon ay isang masayang panahon para kay Joseph. Mahal niya ang mga Banal.
Nagbigay si Jesus kay Joseph ng isang paghahayag para sa kababaihan at sa mga bata. Sinabi ni Jesus na dapat pangalagaan ng kalalakihan ang kanilang mga asawa. Dapat pangalagaan ng mga magulang ang kanilang mga anak.
Dapat pangalagaan ng mga Banal ang kababaihan na walang asawa. Dapat pangalagaan ng mga Banal ang mga batang walang ama o ina.
Sinabi ni Jesus na dapat maglagay ng pagkain sa isang bodega ang mga Banal. Dapat magbigay ang obispo ng pagkain na galing sa bodega sa mga nagugutom na tao.
Sina Joseph Smith at Obispong Whitney ay nagsimulang bumalik sa Kirtland. Sumakay sila sa isang bagon.
Isang araw, may isang bagay na kinatakutan ang mga kabayo. Tumakbo ang mga ito nang mabilis.
Si Joseph ay tumalon mula sa bagon. Hindi siya nasaktan. Si Obispong Whitney ay tumalon din mula sa bagon. Napilay ang kanyang binti.
Sina Joseph Smith at Obispong Whitney ay tumuloy sa isang bahay-panuluyan. Nagpahinga si Obispong Whitney nang apat na linggo. Sinamahan siya ni Joseph habang ang kanyang binti ay pinapagaling.
May isang tao sa bahay-panuluyan na naglagay ng lason sa pagkain ni Joseph. Siya ay malubhang nagkasakit.
Hiniling ni Joseph kay Obispong Whitney na bigyan siya ng pagbabasbas. Ginamit ni Obispong Whitney ang kapangyarihan ng pagkasaserdote upang basbasan si Joseph. Si Joseph ay gumaling.
Pinasalamatan ni Joseph ang Diyos sa pagpapagaling sa kanya. Sa wakas, sina Joseph Smith at Obispong Whitney ay maaari nang maglakbay. Sila ay umuwi na sa kanilang mga mag-anak.