Sambingay sa Napulo ka mga Birhen

Katuyoan

Aron sa pag-awhag sa matag bata aron mahimong espirituhanon nga andam alang sa ikaduhang pag-anhi ni Jesukristo.

Pagpangandam

Sa mainampoon nga paagi pagtuon sa Mateo 25:1–13 ug Doktrina ug mga Pakigsaad 45:56–57, 63:53–54. Dayon pagtuon sa leksyon ug paghukom unsaon nimo sa pagtudlo ang mga bata sa mga asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Pilia ang mga pangutana sa panaghisgutan ug mga kalihokan sa pagpalambo nga makapaapil sa mga bata ug maoy labing makatabang nila sa pagkab-ot sa katuyoan niini nga leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata
2. Ang mosunod nga mga ginunting nga mga pulong:
  - Pulo ka mga birhen = mga sakop sa Simbahan
  - Lana = Espirituhanong pagpangandam
  - Pamanhunon = Jesukristo
  - Kasal = Ikaduhang pag-anhi ni Jesus
3. Huiagway 7-25, Ang Ikaduhang Pag-anhi (Pakete sa mga Huiagway sa Ebanghelyo 238; 62562)

Gisugyot nga Kaiamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Hangyoa ang mga bata nga magpakaaron-ingnon nga ang klase mobiyahe.

Pang-atensyon nga Kalihokan

Unsa ang angay natong buhaton aron sa pag-andam alang sa biyahe?
Unsa ang angay natong dad-on?

Pagsulti, “Kita mobiyahe ug kita magdala og ,” paghingalan og usa ka butang. Tuguti ang usa ka bata sa pagsulti sa sama nga han-ay sa mga pulong, apil ang imong gisulti, ug dugang laing butang. Ipadayon sa tibuok lawak, diin gitugutan ang matag bata sa paghingalan sa tanang mga nangagi nga mga butang ug sa pagdugang og usa pa. Hatagi ang matag bata og usa o labaw pa ka mga higayon, depende sa gidak-on sa imong klase. Tabang sa paghingalan sa mga butang kon gikinahanglan.

Itudlo nga ang pag-andam usa ka mahinungdanon nga bahin sa daghang mga butang sa atong mga kinabuhi.

Pang-atensyon nga Kalihokan

Unsa ang ubang mga butang nga mahimong atong andamon gawas sa pag-adto sa usa ka biyahe?

Hisguti sa makadiyot ang pag-andam sa atong buhaton alang sa tulunghaan, alang sa usa ka pagkaon, alang sa gabii sa banay, ug uban pa. Sultihi ang mga bata nga niining leksyon sila makat-on kon unsaon nga sila makaandam sa espirituhanon nga paagi alang sa usa ka maanindot nga panghitabo nga mahitabo sa umaabot.

Asoy sa Kasulatan

Pagtudlo sa mga bata sa sambingay sa napulo ka mga birhen (Mateo 25:1–13). (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Sultihi ang mga bata nga si Jesus kasagaran motudlo pinaagi sa sambingay, ginamit ang mga sinati nga mga butang ug kahimtang aron sa pagtudlo og usa ka tinago nga espirituhanon nga kamatuoran. Siya migamit og mga sambingay aron nga kadto lamang kinsa kinasingkasing nga motuon sa sambingay ang makasabut sa kamatuoran (tan-awa sa Mateo 13:10–17). Tabangi ang mga bata nga makasabut nga kining sambingay gipakasama sa ikaduhang pag-anhi ni Jesukristo, diin mao ang panahon nga ang Manluiuwas mobalik sa yuta aron sa paghari sa panahon sa Melinyum, ngadto sa usa ka kasal.

Ipasabut nga ang sambingay sa napulo ka mga birhen gipasikad sa karaan nga mga naandan sa kasal sa Judeo. Ang pamanhunon og ang iyang mga higala mokuyog sa pangasaw-onon gikan sa iyang panimalay ngadto sa panimalay sa pamanhunon. Sa daplin sa dalan ang mga higala sa pangasaw-onon naghulat aron sa pag-apil kanila. Sa ilang pag-abot sa panimalay sa pamanhunon, silang tanan mosulod alang sa kasal. Kini nga mga kasal kalagmitan mahitabo sa mga gabii, busa kadtong mga naghulat alang sa pangasaw-onon ug sa pamanhunon nagdala og mga lamparilya.

Mga Pangutana sa Panaghisgutan ug Paggamit

Tun-i ang mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo mao ang labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan. Ipadayag ang mga ginunting nga mga pulong ug hulagway sa tukmang mga higayon.

Mga Pangutana sa Panaghisgutan ug Paggamit

Kinsa ang girepresentahan sa napulo ka mga birhen? (Mateo 25:1.) Kinsa ang girepresentahan sa pamanhunon? (Jesukristo.)
Unsaon nato nga masayud nga ang tanang napulo ka mga birhen mituo kang Jesukristo? (Mateo 25:6–7. Sila “migawas aron sa pagtagbo” sa pamanhunon ug naghulat kaniya.) Unsaon nato sa pagpakita nga kita mituo kang Jesus?
Ngano nga ang lima sa mga birhen giisip nga mga buang? (Mateo 25:3.) Ngano nga ang lima giisip nga maalamon? (Mateo 25:4.)
Unsa ang nahitabo sa dihang ang pamanhunon miabot? (Mateo 25:6–8.) Ngano sa inyong hunahuna nga ang lima ka buang nga mga birhen wala gayud makaandam? Unsa sa inyong hunahuna nga kita makaandam sa panahon nga si Jesus moanhi pag-usab?
Ngano sa inyong hunahuna nga ang lima ka maalamom nga mga birhen wala mohatag sa ilang lana? (Mateo 25:9.) Nganong dili sila mahimong makahatag sa uban nilang lana ngadto sa uban? Ipasabut nga ang hulma sa mga lamparilya sa mga Judeo, ang ba-ba sa gawas mikurba paingon sa sulod, nga nakapalisud niini sa usa ka tawo sa pagbu-bu og lana gikan sa usa ka lamparilya ngadto sa lain (tan-awa ang hulagway sa katapusan sa leksyon). Sa sambingay, ang lana sa mga lamparilya sa mga maalamon nga mga birhen nagrepresentar sa ilang mga matarung nga mga kinabuhi ug pagkamasulondon. Kita matag usa mopuno sa atong kaugalingong lamparilya, diin naglarawan sa atong pagkamasulundon ug pagkamatarung. Ang mga panalangin sa Langitnong Amahan ngari nato alang sa atong matarung nga mga lihok dili mahimong ikahatag ngadto sa mga dili masulundon.
Unsa ang nahitabo ngadto sa lima kinsa wala mag-andam? (Mateo 25:10–12.) Unsa ang nahitabo ngadto sa lima kinsa nag-andam? Nganong mahinungdanon alang nato ang pag-andam karon alang sa Ikaduhang Pag-anhi? Unsaon nato sa pagpuno sa atong mga lamparilya og lana?

Basaha kining kinutlo gikan kang Elder Bruce R. McConkie: “Ingon nga mga tagsatagsa, kita nag-andam sa pagsugat sa atong Dios pinaagi sa pagtuman sa iyang mga sugo ug pagsunod sa iyang mga baiaod…. Ang ebanghelyo diha sa iyang walay katapusang kahingpitan, gipahiuli niining katapusang mga adlaw, anaa dinhi aron sa pag-andam sa usa ka katawhan alang sa ikaduhang pag-anhi sa Anak sa Tawo” (The Millennial Messiah, p. 572).

Tuguti ang mga bata sa pagbasa sa Mateo 24:36 ug Mateo 25:13. Ipasabut nga sama sa napulo ka mga birhen nga wala masayud sa tukmang takna kon kanus-a ang pamanhunon moabut, kita wala masayud sa tukmang takna kon kanus-a si Jesus moanhi pag-usab.

Mga Pangutana sa Panaghisgutan ug Paggamit

Sa unsa kaha kini sama sa panahon nga si Jesukristo mobalik? (D&P 45:56–57; 63:53–54.) Unsa nga mga panalangin ang giandam alang niadtong kinsa espirituhanon nga nag-andam? (D&P 38:30.)

Ikaw mahimong mogamit sa kalihokan sa pagpalambo 2 ingon nga usa ka pagribyu ug paggamit niini nga leksyon.

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsang higayon sa panahon sa leksyon o ingon nga usa ka pagribyu, katingbanan o hagit.

Hisguti sa mubo ang mosunod nga impormasyon aron ang mga bata makasinati sa ikaduhang pag-anhi ni Jesukristo:
- Sa dihang si Jesus mibiya sa iyang mga Apostoles ngadto sa Jerusalem, ang mga anghel mipahibalo kanila nga siya moanhi sa ikaduhang higayon. (Mga Buhat 1:9–11.)
- Ang Langitnong Amahan lamang ang nasayud kon kanus-a ang Ikaduhang Pag-anhi mahitabo. (Mateo 24:36.)
- Si Jesus moanhi diha sa gahum ug himaya ug maghari sa ibabaw sa yuta sulod sa usa ka libo ka mga tuig. (D&P 29:11.)
- Kita kinahanglan nga mag-andam sa atong mga kaugalingon alang sa ikaduhang pag-anhi ni Kristo. (D&P 33:17–18.)
- Ang mga matarung kinsa andam sa ikaduhang pag-anhi ni Jesus mahimong ikauban niya nianang halangdon nga adlaw ug mopuyo diha sa atubangan sa Langitnong Amahan ug ni Jesus sa kahangturan. (D&P 76:62–63.)
Hatagi ang matag bata og usa ka kopya sa lamparilya sa katapusan sa leksyon, o pagdibuho og usa ka lamparilya sa pisara. Tuguti ang mga bata sa pagsulat og mga butang sa ilang mga lamparilya, o paghingalan og mga butang nga mahimong imong isulat sa pisara, nga mopuno sa ilang espirituhanon nga mga lamparilya og lana (ang pila ka mga hunahuna mahimong pagpaambit og pagpamatuod, pagkat-on sa ebanghelyo, pag-alagad sa uban, pagbayad sa ikapulo, pagpuyo nga takus sa pagpakig-uban sa Espiritu Santo, pag-ampo, pagtuman sa mga tawag sa Simbahan, ug uban pa). Tabangi sila sa pag-ila nga kining mga butang nga sila kinahanglan nga mokuha o mobuhat sa ilang kaugalingon aron sa pagbaton og lana sa iiang mga lamparilya, sama sa gibuhat sa lima ka maalamon nga mga birhen.

Itandi kon unsa ang gisulat sa mga bata sa ilang mga lamparilya ngadto sa hunahuna ni Presidente Spencer W. Kimball: “Sa atong mga kinabuhi ang lana sa pag-andam matigum matag tulo diha sa matarung nga pagpuyo. Ang pagtambong sa mga miting sa sakramento makadugang og lana sa atong mga lamparilya, matag tulo sa sulod sa pila ka mga tuig. Pagpuasa, pag-ampo sa banay, pagtudlo sa panimalay, pagpugong sa lawasnon nga mga kahinam, pagsangyaw sa ebanghelyo, pagtuon sa mga kasulatan— matag buhat sa pagpahinungod ug pagtuman maoy usa ka tinulo nga gidugang ngadto sa atong tigumanan. Mga buhat sa kaayo, pagbayad og mga halad ug ikapulo, maputli nga mga hunahuna ug mga buhat, pagminyo diha sa pakigsaad alang sa kahangturan—kini, ingon man, nagsalmot sa kamahinungdanon ngadto sa lana diin kita sa tungang gabii magdugang sa atong nahutdan nga mga lamparilya” (Faith Precedes the Miracle, p. 256).

Paghisgot og mga paagi sa pagdugang og lana ngadto sa atong mga lamparilya nga ang mga bata wala pa makahisgot, ug tuguti ang mga bata sa pagdugang og uban pa sa ilang mga lista kon kinahanglan. Tabangi sila nga makasabut nga kini mga butanga nga dili mapalong hangtud nga ang Mangluluwas moanhi.
Basaha ang mosunod nga mga kinutlo ni Presidente Spencer W. Kimball: “Ang napulo ka mga birhen nahisakop sa gingharian ug adunay katungod sa tanang mga panalangin—gawas lamang nga ang lima wala nagmaisugon ug wala mag-andam sa dihang ang mahinungdanong adlaw miabut. Sila dili andam tungod sa wala pagsunod sa tanan nga mga sugo. Sila nahigawad pag-ayo nga nasirad-an gikan sa kasal—sama usab sa ilang modernong mga katumbas [mga sakop karon kinsa wala makaandam] mahimong ingon” (The Miracle of Forgiveness, p. 8).

Panapos

Pagpamatuod

Ipamatuod ang kamahinungdanon sa pagpangandam sa ikaduhang pag-anhi ni Jesukristo pinaagi sa pagpuyo nga matarung. Ipaambit sa mga bata og unsa kamahinungdanon diha kanimo nga mahimong takus aron ikaw makasalmot nianang dakong panghitabo.

Gisugyot nga Basahonon sa Panimalay

Isugyot nga ang mga bata magtuon sa Mateo 25:1–13 sa panimalay ingon nga pagribyu niining leksyon.

Pagdapit og usa ka bata nga mohatag sa panapos nga pag-ampo.