Sambingay sa mga Talento

Katuyoan

Aron sa pagtabang sa mga bata nga magtinguha sa paggamit sa ilang mga talento alang sa kaayohan sa uban ug sa kaugalingon.

Pagpangandam

Sa mainampoon nga paagi pagtuon sa Mateo 25:14–30 ug Doktrina ug mga Pakigsaad 60:2–3, 82:3. Dayon pagtuon sa leksyon ug paghukom unsaon nimo sa pagtudlo ang mga bata sa mga asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Pilia ang mga pangutana sa panaghisgutan ug paggamit ug mga kalihokan sa pagpalambo nga makapaapil sa mga bata ug labing makatabang kanila sa pagkab-ot sa katuyoan niini nga leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Mga piraso sa papel nga adunay uia ka talento nga nahisulat sa matag usa, sama sa “Ikaw adunay talento nga mahimong usa ka maayo nga tigbayolin,” “Ikaw adunay talento nga makighigala,” “Ikaw adunay talento nga mahimong usa ka maayo nga mamumulong,” “Ikaw adunay talento nga mahimong usa ka tigdula sa soccer,” “Ikaw adunay talento nga mahimong usa ka maghuhusay,” “Ikaw adunay talento nga mahimong usa ka maayo nga pangulo,” “Ikaw adunay talento nga mahimong usa ka maayong misyonaryo,” “Ikaw adunay talento nga mohimo sa uban nga malipayon,” ug uban pa. Sa dili pa moanha ang mga bata sa lawak-klasehan, pil-a ang mga piraso sa papel ug ipapilit kini sa mga dapit libot sa lawak diin ang mga bata mahimong makakaplag niini. Ayaw ipaila ang mga talento ingon nga iya sa usa ka pinili nga bata.

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Sultihi ang mga bata nga adunay linaing mga mensahe nga tinago alang nila sa palibot sa lawak. Hangyoa ang usa ka bata sa pagpangita og usa ka mensahe ug basaha kini og kusog. Dayon hangyoa kana nga bata sa pagsulti kon unsa ang iyang mahimong buhaton aron sa pagpalambo niana nga talento. Hatagi ang matag bata og higayon, ug awhaga ang tibuok klase sa paghunahuna og mga paagi sa pag-alima sa matag talento. Ipasabut nga kining leksyon magtudlo nila mahitungod sa kamahinungdanon sa pagpalambo sa mga talento.

Asoy sa Kasulatan

Ribyuha ang buot ipasabut sa usa ka sambingay sa leksyon 25. Itudlo sa mga bata ang sambingay sa mga talento sa Mateo 25:14–30. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Diha sa sambingay, ang mga talento nagrepresentar sa mga piraso sa salapi. Alang nato ang mga talento nagpasabut sa mga abilidad nga mahimo natong palamboon alang sa pagpanalangin ug pagtabang sa uban.

Mga Pangutana sa Panaghisgutan ug Paggamit

Tun-i ang mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana sa Panaghisgutan ug Paggamit

Ngano nga ang agalon mihatag og nagkalainlain nga gidaghanon sa mga talento sa matag suiugoon? (Mateo 25:15.) Sa unsang paagi nga ang inyong mga talento lahi gikan sa mga talento sa inyong higala? sa mga talento sa mga sakop sa inyong banay? Ngano nga ang Langitnong Amahan mihatag og lain-laing mga gasa sa matag usa kanato? (D&P 46:12.) Unsaon nato sa pagpakita sa atong pasalamat ngadto sa Langitnong Amahan alang sa mga linaing mga gasa nga iyang gihatag kanato? (D&P 46:11.)
Unsa ang gibuhat sa mga suiugoon kinsa gihatagan og lima ka mga talento ug duha ka mga talento sa ilang mga salapi? (Mateo 25:16–17.) Unsa sa inyong hunahuna sila nakahimo sa pagpadoble sa ilang salapi? Sa unsang paagi nga ang pagkugi mahimong usa ka panalangin ngari kanato?
Unsa ang gibuhat sa suiugoon sa iyang salapi kinsa gihatagan og usa ka talento? (Mateo 25:18.) Ngano sa inyong hunahuna nga iya kining gibuhat? (Mateo 25:24–25.) Ngano sa inyong hunahuna nga ang ubang mga tawo wala mipalambo sa ilang mga talento? Unsa ang mahitabo sa mga talento sa katawhan kon sila walay buhaton alang niini?
Sa diha nga ang agalon mibalik ug mihangyo sa mga suiugoon sa pagpahayag ngadto kaniya, unsa ang iyang gisulti sa suiugoon kinsa gihatagan og lima ka mga talento? (Mateo 25:21.) Unsa ang iyang gisulti ngadto sa suiugoon nga gihatagan og duha ka mga talento? (Mateo 25:23.) Sa unsang paagi nga ang pagkugi sa pagpalambo sa mga talento makapanalangin kanato? Sa unsang paagi kamo napanalanginan pinaagi sa mga talento o abilidad sa laing tawo?
Ngano nga ang agalon mihatag sa managsama nga ganti sa suiugoon kinsa mikita og lima ka mga talento ug sa suiugoon kinsa mikita og duha ka mga talento? (Mateo 25:21, 23.)
Unsa ang gisulti sa agalon ngadto sa suiugoon kinsa gihatagan og usa ka talento? (Mateo 25:26–27.) Ngano nga ang agalon nasuko niini nga suiugoon? Unsa nga siiot ang iyang gihatag kaniya sa pagtago sa talento? (Mateo 25:28, 30.) Ngano nga giunsa nato sa paggamit sa atong mga abilidad ug mga talento labaw nga mahinungdanon kay kon unsa kadaghan ang atong mga talento ug kon unsa kadto nga mga talento?
Ngano sa inyong hunahuna nga ang agalon mihatag sa usa ka talento ngadto sa suiugoon kinsa adunay napulo? Kini maangayon ba? Ngano? Ipasabut nga kon sa unsa kadaghan kita mogamit sa atong mga talento, mao usab kadaghan sa mga talento ang atong mapalambo. Kon kita walay buhaton sa atong mga talento, kita mawad-an niini. (Tan-awa sa Mateo 25:29; D&P 60:2–3.) Tabangi ang mga bata sa pagsabut nga kadtong mga tawo kinsa ingon og adunay diyutay lamang nga mga talento mahimong makadawat sa tanang mga panalangin kon sila mogamit sa ilang mga talento ngadto sa hingpit.
Unsa sa inyong hunahuna ang gipaningkamutan ni Jesus nga itudlo nato pinaagi sa pagsaysay sa sambingay sa mga talento? Tabangi ang mga bata sa pagsabut nga ang Ginoo naghatag nato sa mga talento, abilidad, ug mga kahigayunan (sama sa pagkasakop sa iyang simbahan). Siya misalig nato sa paggamit niining tanan nga mga butang aron sa paghimo sa atong mga kinabuhi nga labaw nga maayo ug sa pag-alagad sa uban. Siya buot usab nga kita mopakita sa atong pasalamat pinaagi sa pagpalambo sa atong mga talento.
Unsa ang dugang mga gipaabut sa Ginoo gikan nato tungod kay kita mga sakop sa iyang simbahan? (D&P 82:3.)
Sa unsa nga paagi nga ang mga katawhan mipaambit sa ilang mga talento diha sa simbahan? Sa unsang paagi nga ang pagdawat sa mga kaakohan ug mga buhatunon sa Simbahan makatabang nato sa pagpausbaw sa atong mga talento? (Tan-awa sa mga kalihokan sa pagpalambo 5.)
Kanus-a ug kang kinsa kita angay nga mohatag og usa ka pahayag mahitungod kon unsa ang atong gibuhat sa mga gasa ug mga talento nga atong nadawat? Unsa ang buot nimong ipahayag? Unsa ang imong bation kon ang Ginoo moingon nganha nimo, “Maayong pagkabuhat, ikaw buotan ug matuohon nga sulugoon” (Mateo 25:21)?

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan sa bisan unsang higayon sulod sa leksyon o ingon nga usa ka balik pagtuon, katingbanan, o hagit.

Hangyoa ang mga bata sa paghingalan sa og daghang mga talento nga ilang mahunahunaan; ilista ang mga talento diha sa pisara samtang kini gihisgutan. Awhaga ang mga bata nga mopil og mga kinaiya sama sa pagkamaayo nga tigpaminaw, paghigugma sa uban, pagkamadasigon, ug uban pa.
Paghatag sa mga bata og tagsa ka piraso sa papel ug lapis ug mohangyo nila sa paghimo og lista sa ilang kaugalingon nga mga talento. Sultihi sila sa dili pagtugot sa uban sa klase sa pagtan-aw sa lista. Dayon hangyoa ang mga sakop sa klase sa pagtagsatagsa maghingalan og usa ka talento sa matag lain nga bata sa klase. Sa matag talento sa bata nga mahisgutan, isugyot nga kana nga bata modugang sa iyang lista sa bisan unsa nga talento nga gipaila sa laing mga bata nga wala pa diha sa lista. Dayon ipangutana ang mosunod nga mga pangutana:
- Kon ang mga sakop sa klase mihingalan og usa ka butang mahitungod nimo nga wala pa diha sa papel, unsaon nimo sa pagpalambo niana nga talento?
- Kon ang mga sakop sa klase wala mihingalan sa usa ka butang nga imong gisulat, unsaon nimo sa pagpalambo niana nga talento?
Hagita ang matag bata sa pagpili sa usa sa iyang talento ug mohukom unsaon sa pagpadayon sa pagpalambo niini sa moabut nga semana.
Ipaambit ang mosunod nga sugilanon kabahin ni Presidente Heber J. Grant:

“Sa dihang ako miapil sa usa ka klab sa bisbol, ang mga lalaki nga sama nako og panuigon ug usa ka labaw og dyutay sa edad midula sa unang siyam [ang pinakamaayong pundok sa magdudula]; kadtong ubos og edad kay kanako midula sa ikaduha, ug kadtong labaw pa nga ubos og edad diha sa ikatuio, ug ako midula uban kanila. Ang usa sa mga hinungdan niini mao nga ako dili makalabay sa bola gikan sa usa ka balay sa bisbol ngadto sa lain. Ang laing hinungdan mao nga ako kulang sa pisikal nga kusog aron sa pagdagan o paghapak og kusog. Kon ako mopunit na sa usa ka bola, ang mga lalaki kalagmitan mosinggit: ‘llabay kana ngari bayot!’

“Nalingaw kaayo ang akong mga batan-ong mga kauban tungod nako nga ako mahinuklogon nga nanumpa nga ako modula og bisbol uban sa siyam nga maoy modaog sa kampyonato sa Teritoryo sa Utah.

“…ako nagtigum og usa ka dolyar nga maoy akong gipamuhonan sa usa ka bisbol. Ako migahin og pila ka mga oras sa paglabay og bola sa kamalig ni Obispo Edwin D. Woolleyu…. Kasagaran ang akong bukton mosakit mao nga ako halos dili makatulog sa gabii. Apan ako nagsige og bansay ug sa katapusan milampus sa pagsulod sa ikaduhang siyam sa among pundok. Sunod niana ako miapil og usa ka maayo kaayong pundok, ug sunod niana midula sa siyam nga maoy midaog sa kampyonato sa teritoryo” (Gospel Standards, pp. 342–43).
Ang mosunod nga kinutlo mao ang usa sa paborito nga mga panultihon ni Presidente Heber J. Grant. Hisguti ang buot ipasabut niini uban sa mga bata, ug awhaga sila sa pagsag-ulo niini.

“Kana nga atong kanunay nga gibuhat mahimong sayon nato buhaton; dili nga ang kinaiyahan sa butang nausab, apan ang atong gahum sa pagbuhat miuswag” (Gospel Standards, p. 355).
Hangyoa ang mga bata sa paghunahuna sa pila ka mga kaakohan nga gihatag sa tawo sa simbahan. Hatagi sila og mga piraso sa papel ug mga lapis ug tuguti sila sa pagsulat og usa ka kaakohan o buluhaton (ang matag bata mahimong mohatag og labaw pa sa usa). Tuguti sila sa pagbutang sa mga piraso sa papel sa usa ka kahon o garapon. Dayon hangyoa ang mga bata sa pagpulipuli sa paghulbot og usa ka piraso sa papel gikan sa kahon ug isulti kon unsa nga mga talento ang ilang mapalambo pinaagi sa pagbuhat niini nga buluhaton o kaakohan. Ilista ang mga talento nga nahisgutan diha sa pisara aron sa makita kon pila ka buok nga nagkaiainlain nga mga talento ang mailhan sa mga bata.
Awita o basaha ang mga pulong sa “I’m Thankful to Be Me” (Children’s Songbook, p. 11).

Panapos

Pagpamatuod

Ipamatuod ang kalipay nga moabut kon kita mogamit sa mga talento nga gihatag sa Dios kanato aron mapuslan sa atong kaugalingon ug sa uban. Ipakigbahin sa mga bata kon unsa kadako ang imong tinguha nga mobati sa kalipay sa pagbalik ngadto sa Langitnong Amahan ingon nga usa ka tawo kinsa migamit pag-ayo sa imong mga talento.

Gisugyot nga Basahonon sa Panimalay

Isugyot nga ang mga bata magtuon sa Mateo 25:14–30 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.

Pahinumdom: Ang usa ka kalihokan sa pagpalambo nga alang sa leksyon 27 nagkinahanglan sa paghangyo og usa ka sakop sa Relief Society o bishopric sa pag-anha ug pagpakigsulti sa mga bata mahitungod sa kon giunsa sa Relief Society sa paghatag og mapuangoron nga pag-alagad. Kon ikaw buot nga mogamit niini nga kalihokan, hangyoa daan ang mao nga tawo ug ipasabut kon unsa ang imong gusto nga iyang hisgutan.