Leksyon 47

Ang Pagkapari Makapanalangin sa Atong mga Kinabuhi (Leksyon sa Pagpangandam sa Pagkapari)

Katuyoan

Kini nga leksyon gisulat aron sa pagtabang sa 11 anyos nga mga bata nga makasabut sa mga panalangin ug mga kaakohan sa pagkapari. Kini angay nga itudlo sa dili pa ang unang bata sa imong klase mag-edad og 12.

Pagpangandam

1. Sa mainampoon nga paagi pagtuon sa “Pagpamatuod ni Propeta Joseph Smith” diha sa pasiuna sa Basahon ni Mormon o sa Joseph Smith—Kasaysayan 1:29-54, 59, 66-72; Doktrina ug mga Pakigsaad 13, naglakip sa ulohan sa seksyon; Doktrina ug mga Pakigsaad 121:34-46.

2. Tun-i ang leksyon ug paghukom unsaon nimo sa pagtudlo ang mga bata sa asoy sa kasulatan (tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii). Pilia ang mga pangutana sa panaghisgutan ug paggamit ug mga kalihokan sa pagpalambo nga makapaapil sa mga bata ug labing makatabang nila sa pagkab-ot sa katuyoan niini nga leksyon.

3. Mga materyal nga gikinahanglan:

   1. Usa ka Basahon ni Mormon alang sa matag bata.

   2. Usa ka Doktrina ug mga Pakigsaad.

   3. Usa ka tinubdan sa kahayag sama sa usa ka plaslayit, usa ka bombilya, o usa ka parol.

   4. Mga Hulagway 7-1, Si Jesus ang Kristo (Mga Hulagway sa Ebanghelyo 240; 62572); Si Juan Bautista Nagtugyan sa Aaronic nga Pagkapari (Mga Hulagway sa Ebanghelyo 407; 62013); ug Pag-orden ngadto sa Pagkapari (62341).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Ipakita ang usa ka butang nga mohatag og kahayag.

Pang-atensyon nga Kalihokan

• Unsa ang mga gikinahanglan alang niini nga mga butang aron sa paghatag og kahayag? Kon ikaw adunay usa ka plaslayit, ipakita nga kini nagkinahanglan og mga baterya, usa ka bombilya, ug usa ka swits nga managsama nga molihok sa husto alang niini aron sa paghatag sa kahayag. Ang usa ka bombilya nagkinahanglan og maayo nga mga gamayng alambre ug kinahanglan nga mataud pag-ayo ngadto sa usa ka suksukanan nga gisumpay ngadto sa usa ka tinubdan sa elektrisidad. Ang swits nagkinahanglan usab nga pinduton aron sa pagtugot sa elektrisidad nga mokatay.

Hangyoa ang mga batang lalaki sa imong klase sa pagbarug. Kini nga mga lalaki adunay katakus aron sa pagdawat sa pagkapari, diin mao ang labaw nga gahum kaysa elektrisidad tungod kay kini mao ang gahum ug katungod aron sa paglihok sa ngalan sa Dios. Pinaagi niini nga gahum ang mga anak sa Langitnong Amahan mahimong magpabunyag ug modawat sa ubang mga ordinansa sa Simbahan. Apan aron nga makadawat niini nga gahum ug mogamit niini ingon sa gilaraw sa Dios, ang usa ka batan-ong lalaki kinahanglan ngatakus ug tukmang pagkaandam.

Asoy sa Kasulatan

Ginamit ang mga huiagway sa tukmang panahon, itudlo ang mga asoy sa pagdawat ni Joseph Smith sa bulawan nga mga palid ug pagkaorden ngadto sa Aaronic Priesthood gikan sa “Pagpamatuod ni Propeta Joseph Smith” o Joseph Smith—Kasaysayan 1:29-54, 59, 66-72. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Ikaw mahimong kinahanglan nga daklit nga mobalik pagtuon uban sa klase sa mga panghitabo nga nagpadulong ngadto sa pagkadawat ni Joseph sa mga bulawang mga palid.

Mga Pangutana sa Panaghisgutan ug Paggamit

Tun-i ang mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo labing makatabang sa mga bata nga makasabut sa mga kasulatan ug sa makagamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

• Nganong si Joseph Smith wala makahubad sa bulawang mga palid, wala makadawat sa pagkapari, ug wala makatukod sa Simbahan dihadiha human sa Unang Panan-awon? (Siya wala naandam; siya kinahanglan nga molambo sa kaalam ug kahibalo.)

• Unsa ang unang labing mahinungdanon nga tahas nga gihangyo sa Ginoo nga buhaton ni Joseph Smith? (Paghubad sa bulawang mga palid aron kita makaangkon sa Basahon ni Mormon.)

• Unsa ang gibuhat ni Joseph nianang gabii nga si anghel Moroni unang mipakita kaniya? (Joseph Smith—Kasaysayan 1:29-30.) Pila ka mga higayon nga si Moroni nagpakita ngadto ni Joseph Smith usa pa si Joseph nakakita sa bulawang mga palid sa unang higayon? (Joseph Smith—Kasaysayan 1:30, 44-49; upat ka higayon.) Ngano sa inyong hunahuna nga si Moroni nagbalikbalik sa iyang unang mensahe sa tulo pa ka mga higayon?

• Unsa ang ubang mga tugon nga nadawat ni Joseph usa pa siya makasugod sa paghubad sa bulawang mga palid? (Joseph Smith—Kasaysayan 1:53-54.) Sa unsa nga paagi nga kini nga mga panudlo nakatabang sa pag-andam ni Joseph Smith alang sa ubang dagkong mga butang nga iyang buhaton? Unsa ang inyong buhaton nga makaandam alang sa inyong umaabot?

• Unsa nga linaing mga obligasyon ang gidala sa mga batan-ong lalaki nga Santos sa Ulahing mga Adlaw sa ilang kaugalingon sa edad nga napulog duha? (Sila nakadawat sa Aaronic Priesthood ug giorden nga mga deakono.)

• Sa unsa nga paagi nga si Joseph Smith nakadawat sa Aaronic Priesthood? (Joseph Smith—Kasaysayan 1:68-70.) Sa unsang paagi nga ang usa ka batan-ong lalaki nakadawat sa Aaronic nga Pagkapari karon? (Siya gi-interbyu alang sa katakus ug gi-orden pinaagi sa pagpandong sa mga kamot pinaagi sa usa ka lalaki kinsa adunay katungod sa pag-orden kaniya.)

• Sa unsang paagi ang mga batang lalaki makaandam sa ilang mga kaugalingon sa pagdawat sa pagkapari? Sa unsang paagi ang mga batang babaye mag-andam sa ilang mga kaugalingon sa pagdawat sa mga panalangin sa pagkapari? (Ang mga batang lalaki ug babaye mag-andam sa sama nga mga paagi. Sila mag-ampo, magbaton og hugot nga pagtuo, magkat-on sa ebanghelyo gikan sa mga ginikanan ug mga magtutudlo, magpuyo nga takus, motuman sa mga sugo, mag-alagad sa uban, magtahud sa usag usa, ug magmatinuoron.) (Tan-awa sa kalihokan sa pagpalambo 4.)

• Unsa nga mga kaakohan ang anaa sa mga deacon sa Simbahan? (D&P 20:59.) Sa unsang paagi nga sila nagbuhat niini nga mga kaakohan? (Magpaambit sa sakramento, magkolekta sa mga halad sa pagpuasa, maglihok ingon nga usa ka mensahero alang sa obispo sa tigum sa sakramento, ug magpakita og maayo nga ehemplo.)

• Kinsa ang labing una nga nagpaambit sa sa sakramento? (Jesukristo.) Ngano nga ang sakramento sagrado kaayo? (Kini usa ka ordinansa nga naglarawan sa sakripisyo nga gihimo ni Jesukristo alang sa matag usa kanato.)

  Basaha o ipabasa sa usa ka sakop sa klase ang mosunod nga kinutlo gikan ni Elder Jeffrey R. Holland: “Kami naghangyo kaninyo mga batan-on nga lalaki sa Aaronic Priesthood aron sa pag-andam ug sa pagpanalangin ug sa pagpaambit niini nga mga ilhanan sa sakripisyo sa Manluluwas nga may katakus ug balaan nga pagtahud. Unsa ka talagsaon nga kahigayunan ug sagrado nga pagsalig nga gihatag sa sama ka malatngonon nga edad! Ako dili makahunahuna og makalabaw nga pagdayeg nga mahimong ikahatag sa langit kaninyo. Kami naghigugma kaninyo. Pagkinabuhi sa inyong labing maayo ug paghimo sa inyong kaugalingon nga labing ambongan nga sudongon sa panahon nga kamo mosalmot sa sakramento sa Panihapon sa Ginoo” (Conference Report, Okt. 1995, p. 89; o Ensign, Nob. 1995, p. 68).

• Unsaon natong tanan sa pagtahud ug pagpaluyo sa pagkapari? (Pinaagi sa pagdawat og mga tawag gikan sa mga pangulo sa pagkapari; pag-alagad sa uban; pagsulti nga matinahuron sa mga pangulo sa Simbahan; ug pagampo alang sa mga amahan, mga igsoon nga lalaki, mga sakop sa banay, ug uban kinsa naghupot sa pagkapari.) (Tan-awa sa kalihokan sa pagpalambo 3.) Sa unsang paagi nga ang inyong pagbuhat niini nga mga butang nagtabang sa inyong amahan o igsoon nga lalaki sa pagtahud sa iyang pagkapari? Unsaon nila kamo pagtabang sa pag-andam nga modawat sa pagkapari o sa mga panalangin sa pagkapari?

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan sa bisan unsa nga higayon sa panahon sa leksyon o ingon nga usa ka pagribyu, katingbanan, o hagit.

1. Isulat diha sa lahi nga mga kard o mga piraso sa papel ang mosunod nga mga panalangin nga moabut pinaagi sa pagkapari:

   • Pagdawat og usa ka ngalan ug usa ka panalangin

   • Pagpabunyag

   • Pagdawat sa gasa sa Espiritu Santo

   • Pagdawat og usa ka panalangin kon masakiton

   • Pagdawat sa sakramento

   • Pag-alagad og usa ka misyon

   • Pagpakasal diha sa templo

   Bahina ang klase ngadto sa mga pundok ug hatagi ang matag pundok og usa sa mga kard. Dapita ang mga bata sa matag pundok sa pagpakigbahin og tukma nga kinaugalingon o mga kasinatian sa banay nga may kalabutan sa mga panalangin nga nasulat diha sa ilang kard.

2. Himoa nga ang lawak mahimong mangitngit kutob sa mahimo. Dayon isaysay sa mga bata ang sugilanon mahitungod sa usa ka pundok sa mga turista kinsa miadto sa usa ka lawom, mangitngit nga langub. Sa dihang anaa na sa sulod sa langub ang giya mipalong sa mga suga, mihulat og piia ka gutlo, ug dayon nangutana sa matag tawo sa pagtudlo sa direksyon sa gawasanan. Sa dihang ang mga suga mibalik pagsiga, ang mga tawo nagtudlo sa nagkalainlain nga mga direksyon.

   Pahayaga ang inyong lawak pag-usab, ug ipaambit ang mosunod nga kinutlo gikan ni Elder Robert D. Hales: “Kon ang gahum sa pagkapari wala pa sa yuta, ang kaaway aduna untay kagawasan sa pagsuroy ug paghari nga walay makapugong. Wala untay gasa sa Espiritu Santo aron sa paggiya ug pagpalamdag kanato; walay mga propeta nga magsulti sa ngalan sa Ginoo; walay mga tempio nga kita mahimong magbuhat og mga sagrado, walay kahangturan nga pakigsaad; walay katungod aron sa pagpanalangin o pagbunyag, aron sa pag-ayo o kahupayan …. Wala gayuy kahayag, walay paglaum—bugtong lamang nga kangitngit” (Conference Report, Okt. 1995, p. 40; or Ensign, Nob. 1995, p. 32).

3. Basaha o isulti ang mosunod nga sugilanon mahitungod kon unsa ang gibuhat sa usa ka pamilya sa pagpaluyo sa ilang amahan sa iyang tawag sa pagkapari:

   “Ako naglingkod [sa Kinatibuk-ang Komperensya daghang mga katuigan na ang milabay] uban sa unom ka mga anak ni Elder Ezra Taft Benson, usa nila kinsa akong kauban sa lawak sa kolehiyo. Ang akong kaikag misamot sa dihang si Presidente McKay mibarug ug mipahayag sa mosunod nga tigpamulong. Ako nagtan-aw nga matinahuron sa dihang si Elder Benson, kinsa wala pa nako gikahibalag sukad, milakaw paingon sa mikropono. Siya usa ka dakong tawo, tingali mga sobra sa unom ka tiil ang gitas-on. Siya usa ka tawo nga adunay lisensyatura, usa ka tawo nga nailhan sa kanasuran ingon nga Sekretaryo sa Agrikultura sa Tinipong Bansa sa America ug usa ka linain nga saksi sa Ginoo, usa ka tawo kinsa mao ra og malinawon ug sigurado, usa kinsa nagpakigpulong og mga mamiminaw sa tibuok kalibutan. Sa kalit lamang usa ka kamot ang mihikap sa akong bukton. Usa ka gamayng bata nga babaye ang mitakilid paingon kanako ug mihunghong sa dinalian, ‘pag-ampo alang ni Papa.’

   “Ingon sa nakalitan, ako naghunahuna, ‘Kini nga mensahe gipasa pasubay sa laray, ug ako angay nga mopadayon sa pagpasa niini. Angay ba ako nga moingon, “pag-ampo alang kang Elder Benson”? Angay ba ako nga moingon, “Ikaw angay bang mosangpit og pag-ampo alang sa imong amahan”? Nakamatikod nga kinahanglan nga molihok sa daklit, ako mitakilid ug mihunghong sa yano, ‘pag-ampo alang kang Papa.’

   “Ako nagtan-aw niana nga hunghong nga mibalhinbalhin subay sa laray diin si Sister Benson naglingkod, ang ulo nagduko nang daan.

   “Pila ka higayon sukad nianang adlawa ako nakahinumdom niana nga mensahe—Pag-ampo alang kang Papa, ang patriyarka sa panimalay. Pagampo alang kaniya samtang siya nag-alagad ingon nga presidente sa distrito o magtutudlo sa banay. Pag-ampo alang kaniya kon siya mahimong usa ka tigdumalang kalihim sa usa ka pundok sa pagkalungsuranon, kon ang iyang negosyo naglambo, o kon ang iyang suweldo mikunhod. Pag-ampo samtang siya naghatag og tambag diha sa gabii sa banay. Pag-ampo alang kang Papa kinsa nagtrabaho og dugay nga mga oras aron si Jerold makaadto sa misyon ug si Diane makatuon sa kolehiyo. Pag-ampo alang kaniya samtang siya namulong diha sa tigum sa sakramento o naghatag kang Mama og panalangin nga siya maayo pag-usab. Ug sa pagkagabii, sa panahon nga siya mopauli sa panimalay nga gikapoy o nawad-an og kadasig, pag-ampo alang kaniya. Pag-ampo alang kang Papa sa tanang butang nga siya mahimong magbuhat—ang ginagmay nga mga butang ug ang mga dinagko.

   “Samtang ang mga katuigan milabay, daghan na ang mga kinatibuk-ang mga komperensya ang milabay, ug sa matag panahon nga si Presidente Benson mibarug aron sa pagpamulong, ako nakahunahuna, ‘Ang iyang mga anak, kinsa anaa sa nagkalainlaing mga dapit saTinipong Bansa, karon nagkahugpong diha sa pag-ampo alang sa ilang amahan.’

   “Ug ako giabut og pagtuo nga kana nga mubo nga mensahe nga gipasapasa subay sa laray [daghang] mga tuig na ang milabay mao ang labing mahinungdanon nga mensahe nga mahimong ipakigbahin sa usa ka banay. Unsa ka talagsaon nga gahum ug hugot nga pagtuo ang maangkon sa bisan kinsa nga lalaki aron sa pagsugat sa inadlaw nga hagit sa iyang kinabuhi bisan asang dapita diha sa kalibutan ang iyang anak nga babaye o lalaki naghunghong, ‘Pag-ampo alang kang Papa’” (Elaine McKay, “Pray for Dad,” New Era, Hunyo 1975, p. 33).

4. Kon kita nagsunod sa ebanghelyo kita mahimong andam sa pagdawat sa mga kaakohan ug magtagamtam sa mga panalangin sa pagkapari. Basaha “Ang Akong Mga Sumbanan sa Ebanghelyo” (My Achievement Days booklet [35317], back cover), hunong human sa matag usa aron sa pagtugot sa mga bata sa paghunahuna mahitungod kon unsa katakus ang ilang pagsunod niana nga sumbanan. Kon ikaw mahuman sa pagbasa sa lista ikaw mahimong moribyu pinaagi sa paggamit og mga hulagway, timailhan, o mga dulang inamang.

   Ang Akong Sumbanan sa Ebanghelyo

   1. Ako mahinumdom sa akong pakigsaad sa bunyag ug maminaw ngadto sa Espiritu Santo.

   2. Ako magpakamatinuoron sa Langitnong Amahan, sa uban, ug sa akong kaugalingon.

   3. Ako mosiksik og maayong mga higala ug motagad sa uban nga mabination.

   4. Ako magsinina nga ligdong aron pagpakita og pagtahud alang sa Langitnong Amahan ug sa akong kaugalingon.

   5. Ako mobasa lamang ug motan-aw sa mga butang nga makapahimuot ngadto sa Langitnong Amahan.

   6. Ako maminaw lamang sa mga huni nga makapahimuot ngadto sa Langitnong Amahan.

   7. Ako mogamit sa ngalan sa Langitnong Amahan ug ni Jesukristo nga may balaan nga pagtahud. Ako dili mamalikas o mogamit og mga bastos nga mga pulong.

   8. Ako magpabilin sa akong hunahuna ug lawas nga sagrado ug putli.

   9. Ako dili mogamit sa mga butang nga makadaut.

   10. Ako mobuhat niadtong mga butang sa Igpapahulay nga Adlaw nga makatabang nako nga bation og kaduol sa Langitnong Amahan

   11. Ako mopili sa matarung. Ako nasayud nga ako mahimong maghinulsol kon ako makahimo og sayop.

   12. Ako magpuyo karon aron mahimong takus nga moadto ngadto sa templo ug moalagad og misyon.

   13. Ako mosunod sa laraw sa Langitnong Amahan alang nako.

5. Ipakigbahin ang mosunod nga kinutlo gikan kang Presidente Gordon B.Hinckley, ika-napulog lima nga Presidente sa Simbahan: “Kini nga simbahan wala gipanag-iya sa iyang Presidente. Ang iyang pangulo mao ang Ginoong Jesukristo, kinsang ngalan gidawat sa matag usa nato sa atong kaugalingon [diha sa bunyag]. Kitang tanan anaa niining dakong gimbuhaton. Kita ania dinhi aron sa pagtabang sa atong Amahan sa Iyang buluhaton ug sa Iyang himaya, ‘ang pagpahinabo sa pagka-imortal ug sa kinabuhi nga dayon sa tawo’ (Moses 1:39). Ang inyong obligasyon sama ka seryoso sa inyong kaakohan sama nga ang akong obligasyon niana nga dapit. Walay balaan nga tawag niining simbahan nga gamay o ubos og sangputanan. Kitang tanan sa pagkab-ot sa atong mga katungdanan makatandog sa mga kinabuhi sa uban” (sa Conference Report, Abr. 1995, p. 94; or Ensign, Mayo 1995, p. 71).

6. Awita o basaha ang mga pulong sa “Ang Gugma Gihisgutan Dinhi” (Children’s Songbook, p. 190).

Panapos

Pagpamatuod

Ikaw mahimong buot mohatag og pagpamatuod nga ang pagkapari gipahiuli ug nga kini mao ang pagtugot sa pagbuhat alang sa Dios. Awhaga ang mga batang lalaki nga magpuyo karon nga takus nga makahupot sa Aaronic Priesthood ug sa tanang mga sakop sa klase nga magpuyo nga takus sa pagdawat sa tanang mga panalangin sa pagkapari. Awhaga ang mga bata sa pagpasidungog ug pag-abag sa mga pangulo sa pagkapari.

Gisugyot nga Pagpaambit sa Pamilya

Awhaga ang mga bata sa pagpakigbahin uban sa ilang mga pamilya og usa ka piho nga bahin sa leksyon, sama sa usa ka sugilanon, pangutana, o kalihokan, o sa pagbasa uban sa ilang mga pamilya sa “Gisugyot nga Basahonon sa Panimalay.”

Gisugyot nga Basahonon sa Panimalay

Isugyot nga ang mga bata magtuon sa Doktrina ug mga Pakigsaad 121:34-46 sa panimalay ingon nga pagribyu niini nga leksyon.

Pagdapit og usa ka bata sa paghatag og panapos nga pag-ampo.