፩ መጋረጃው ከአዕምሮዎቻችን ተወገደ፣ እና የመረጃ አይኖቻችንም ተከፈቱ።

፪ ጌታን በመስበኪያው መደገፊያ ላይም በፊት ለፊታችን አየነው፤ እና ከእግሮቹም በታች የቡናማ ቢጫ ቀለም አይነት የነበረ ንጹህ ወርቅ የተነጠፈበት የሚመስል ስራ ነበር።

፫ ዓይኖቹም እንደ እሳት ነበልባል ነበሩ፤ የራሱ ጠጕርም እንደ ንጹህ በረዶም ነጭ ነበሩ፤ ፊቱም ከብርቱ የጸሀይ ብርሀን በላይ የሚያበራ ነበር፤ ድምፁም እንዲህ የሚል እንደ ብዙ ውኃዎች ድምፅ፣ እንዲሁም የያህዌህ ድምፅ ነበር፥

፬ እኔ ፊተኛውና ኋለኛው ነኝ፤ እኔ ህያውም ነኝ፣ የተገደልኩትም እኔ ነኝ፤ እኔም በአብ ዘንድ አማላጃችሁ ነኝ።

፭ እነሆ፣ ኃጢአታችሁ ተሰርየዋል፤ በፊቴም ንጹህ ናችሁ፤ ስለዚህም፣ ራሳችሁን አቅኑ እናም ተደሰቱ።

፮ የወንድሞቻችሁ ልብም ይደሰት፣ እና በሀይላቸው ይህን ቤት በስሜ የሰሩት የህዝቤም ልብ ሁሉ ይደሰት።

፯ እነሆ፣ ይህን ቤት ተቀብዬዋለሁ፣ እና ስሜም በዚህ ይሆናል፤ እና በምህረትም ራሴን ለህዝቤ አሳያለሁና።

፰ አዎን፣ ህዝቤ ትእዛዛቴን ቢጠብቁ፣ እና ይህን ቅዱስ ቤት ባያጎድፍ፣ ለአገልጋዮቼ እገልጣለሁ፣ እና በራሴም ድምፅ አናገራቸዋለሁ።

፱ አዎን፣ በሚፈሱት በረከቶች እና አገልጋዮቼ በዚህ ቤት ውስጥ በተቀበሉት መንፈሳዊ ስጦታዎች ምክንያት የሺዎች እና የአስር ሺዎች ልብ በእጅጉ ይደሰታሉ።

፲ እና የዚህ ቤት ዝናም በውጪ አገሮች ይስፋፋል፤ እና ይህም በህዝቤ ራሶች ላይ የሚፈሰው የበረከት መጀመሪያም ነው። እንዲህም ይሁን። አሜን።

፲፩ ይህ ራዕይ ከተፈጸመ በኋላ፣ ሰማያት ዳግም ተከፈቱልን፤ እና ሙሴ በፊታችን መጣ፣ እና ከምድር አራት ማዕዘናትን የእስራኤልን መሰብሰቢያ እና ከሰሜን ምድር የአስሩን ነገዶች መምሪያ ቁልፎችን ሰጠን።

፲፪ ከዚህ በኋላ፣ ኤልያ መጣ፣ እና በእኛና በዘራችን ከእኛም በኋላ የሚመጡ ትውልዶች ሁሉ ይባረካሉ በማለት የአብርሐም ወንጌል የዘመን ፍጻሜን ሰጠን።

፲፫ ይህ ራዕይ ከተፈጸመ በኋላ፣ ሌላ ታላቅ እና የክብር ራዕይ ተከፈተልን፤ ሞትን ሳይቀምስ ወደሰማይ የተወሰደው ነቢዩ ኤልያስ በፊት ለፊታችን ቆመ፣ እናም አለ፥

፲፬ እነሆ፣ በሚልክያስ አንደበት በመመስከር ተነግሮ የነበረው ጊዜ በሙላት መጥቷል—ታላቁና የሚያስፈራው የእግዚአብሔር ቀን ሳይመጣ እርሱ [ኤልያስ] እንደሚላክ—

፲፭ ይህም፣ ምድር በእርግማን እንዳትመታ፣ የአባቶችን ልብ ወደ ልጆች፥ የልጆችንም ልብ ወደ አባቶች ለመመለስ እንዳለበት ተነግሮ የነበረው ጊዜ በሙላት መጥቷል።

፲፮ ስለዚህ፣ የዚህ የዘመን ፍጻሜ ቁልፎች በእጆቻችሁ ተሰጥተዋል፤ እና ይህም ታላቁና የሚያስፈራው የጌታ ቀን ቅርብ እንደሆነ፣ እንዲሁም በበር ላይ እንዳለም፣ ታውቃላችሁ።